Álvar Núñez Cabeza de Vaca

Wikipedia(e)tik
Hona jo: nabigazioa, Bilatu
Álvar Núñez Cabeza de Vaca
Álvar Núñez Cabeza de Vaca
Houston hirian dagoen Alvar Nuñez Cabeza de Vacaren soina.
Datu pertsonalak
Jaio 1488/1490
Jerez de la Frontera (Espainia)
Hil 1557/1558
Sevilla (Espainia)

Álvar Núñez Cabeza de Vaca (Jerez de la Frontera, 1488/1490Sevilla, 1557/1558) espainiar esploratzaile eta konkistatzailea izan zen. Mexikoko golkoa eta Mexikoren ipar-mendebaldea esploratu zituen. Iguazuko ur-jauziak deskribatu eta Paraguai ibaia esploratu zituen lehenbiziko europarra ere izan zen. 1542-1544 urteen bitartean Rio de Plata eta Paraguaiko gobernadorea ere izan zen; postu horretan, Domingo Martinez de Irala bergararra izan zuen ondorengoa.

Biografia[aldatu | aldatu iturburu kodea]

Pánfilo de Narváez kolonizatzaileak Kubatik Ipar Ameriketara gidatu zuen zorigaiztoko bidalditik bizirik atera zen bakarretakoa izan zen Núñez Cabeza de Vaca (1528-1529), eta egungo Mississippin, Arkansas, Colorado, Mexiko Berria, Arizona eta Kalifornian zortzi urte luzez nora gabe ibili ondoren, Espainia Berrira iritsi zen 1536an.

1537an Espainiara itzuli eta Karlos I.a erregeak Rio de la Plata eta Uruguaiko aitzindari eta gobernadore izenda zezan lortu zuen[1]. 1540an lurralde hartara joateko itsasoratu eta Paraguain ibilitako lehen espainiarra izan zen. Brasil hegoaldeko oihanak ibili eta Iguazuko ur-jauziak aurkitu zituen. 1542ko martxoan Asuncionera iritsi eta gobernadore kargua hartu zuen, Domingo Martinez de Iralaren ordezko[1].

Bere mende zituenak gupidarik gabe zigortzen zituen agintari gogorra zenez, 1544. urtean espainiarrek agintetik kendu eta preso hartu zuten. Urtebete espetxean pasa ondoren, Espainiara bidali zuten. Epaiketa egin eta Oranera erbesteratu zuten. Zortzi urteren buruan erregeak barkatu eta Sevillako epaitegi goreneko partaide izendatu zuen.

Erreferentziak[aldatu | aldatu iturburu kodea]

  1. a b Álvar Núñez Cabeza de Vaca Biografiasyvidas.com

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Álvar Núñez Cabeza de Vaca Aldatu lotura Wikidatan


Aurrekoa
Domingo Martinez de Irala
Río de la Plata eta Paraguaiko gobernadorea
1542-1544
Ondorengoa
Domingo Martinez de Irala