Álvaro Villa Galvis

Álvaro Villa Galvis
Bizitza
Jaiotza	Medellín, 1940 (83/84 urte)
Herrialdea	Kolonbia
Hezkuntza
Hizkuntzak	gaztelania
Jarduerak
Jarduerak	ingeniaria eta enpresaburua

Álvaro Villa Galvis (Medellín, Kolonbia, 1940 -) kolonbiar ingeniaria da; Imageneering delakoaren munduko hiru handietako bat.

Biografia

Pertsonek bezala dantza, abestu, negar eta hitz egiten duten robot erraldoien egilea, joko didaktiko eta ekipo interaktiboen eta aireportuentzako informazio-sistemen asmatzailea.

Disneyn bizi da, bere enpresa AVG Productionsen zuzendari. Etxe-tresnetako lantegi txikietan hasi zen lanean. 1961ean Estatu Batuetara joan zen pilotu izateko asmoz, eta NASArentzako espazio-ontziei buruzko lehen proiektuak egin zituen.

1978an Disney konpainiak kontratatu zuen Disney Worldeko (Florida) jolas-parkea berritzeko eta irudi, jolas eta denbora-pasarako instalazio gehiagoz hornitzeko: Tiki room, Etxe sorgindua, Lehendakarien Aretoa, Karibeko piratak, Laser-galeriak, etab. Horrez gainera, bostehunetik gora giza irudi eta berrehundik gora munstro diseinatu eta fabrikatzeaz gainera.

Bestalde, zenbait filmetarako antzezleku fantastikoak eraiki ditu (Drakularen gaztelua, Galaxietako gerra, ETren abentura...), Fuji telebista-kate japoniarrarentzat Dinosauroen azken gaztelua (benetakoen neurrian egindako hemezortzi dinosauro), Singapurko abentura (46.450 metro koadroko jolas-parkea), Animatronic Herensugea (Las Vegasko Excalibur hotelarentzat), Mamuen antzerkia (Queen Island, Ohio, munduko fantasia handienetakotzat hartua), Pekingo jolas-parkeko igel kantariak eta dragoiak, berrogei monumentu historiko Omango gobernuarentzat, etab.

Erreferentziak

• Datuak: Q12269531