Ángel Nieto
Wikipedia(e)tik
Ángel Nieto Roldán (Zamora, Espainia, 1947 -) espainiar motoziklista da.
[aldatu] Biografia
Hamasei urterekin lortu zuen lehen kontratua, Derbi etxearekin. Oso txikia denez (1,57 metro), Haurra ezizena jarri zioten. Zilindrada txikietan (50, 80 eta 125 cc-ko motorretan) ibili zen gehienbat, eta garaipen asko lortu zituen. 1969an, 50 cc-ko motorretako munduko txapeldunik gazteena bihurtu zen.
Motor-talde askotan ibili zen, Derbi, Morbidelli, Kreidler, Minarelli, Garelli eta Bultacon, besteak beste.
Mundu-mailako hamahiru titulu lortu zituen: sei 50 cc-koetan (1969, 1970, 1972, 1975, 1976 eta 1977an), eta zazpi 125 cc-koetan (1971, 1972, 1979, 1981, 1982, 1983 eta 1984an).
1986an utzi zion lasterketetan parte hartzeari.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
