1. FC Nuremberg
| Ezizena(k) | Der Club (kluba) | ||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Sorrera | 1900 | ||||||||||||||||||||||||||||||||
| Futbol zelaia | Frankenstadion edukiera: 50.000 lagun inaugurazioa: 1928 | ||||||||||||||||||||||||||||||||
| Presidentea |  Andreas Bornemann | ||||||||||||||||||||||||||||||||
| Entrenatzailea | Alois Schwartz | ||||||||||||||||||||||||||||||||
| Liga | 2. Bundesliga | ||||||||||||||||||||||||||||||||
| 2015-16 | 3.a | ||||||||||||||||||||||||||||||||
| Webgunea | Webgune ofiziala | ||||||||||||||||||||||||||||||||
| |||||||||||||||||||||||||||||||||
1. FC Nuremberg (alemanez 1. FC Nürnberg, izen osoa 1. Fußball-Club Nürnberg Verein für Leibesübungen e. V.) Nurenbergko futbol taldea da, Alemaniako ligaren lehen hamarkadetan nagusi izan zen taldea. 2014an Bundesligaren lehen mailatik jeitsi da.
Historia
Sorrera eta hasierako urteak
1900ean sortu zen eta 1909rako jadanik hegoaldeko txapelduna izana zen. Lehen Mundu Gerraren ondoren urrezko garaia iritsi zitzaion. 1918ko uztaila eta 1922ko otsailaren artean jokaturiko 104 partiduetan ez baitzuen porrotik izan. 1920an jokatu zen lehenengo Alemaniako txapelketa eta finala 2-0 irabazi zuen SpVgg Greuther Fürthen aurka. 20. hamarkadan 5 aldiz irabazi zuen liga alemaniar taldeen artean bere nagusitasuna argi erakutsiz.
1934ean FC Schalke 04ren aurrean galduriko finalak hurrengo hamarkadan nagusi izango zen taldea goratu zuen. Hala ere Nurenberg gai izan zen 1936an txapelketa berri bat eta 1935 eta 1939an bi Kopa irabazteko.
Gerra ondorengo hamarkadak
Bigarren Mundu Gerraren ondoren jokatu zen lehen txapelketa irabazi zuen 1948an, baina hamarkada bat pasa itxaron behar izan zuen 1961ean beste liga bat eta 1962an kopa bat irabazteko. 1964ean Bundesliga sortzerakoan lehen mailan sartua izan zen ordura arteko klubik loriatsuena baitzen. 1968an irabazi zuen orain arteko azken liga. Hurrengo urtean ordea Max Merkel entrenatzaileak beteranoak bota eta gazte jendea sartu nahi izan zuen eta kluba bigarren mailara jeitsi zen.
Bederatzi urte bigarren mailan egin ondoren 1978an igotzea lortu zuen baina denboraldi bakarra egin zuen goren mailan. 1980an berriz igo ziren. Ordutik hona 1988an izan du emaitzarik onena Bundesligan bosgarren egin baitzuen urte honetan. 90. hamarkadan diru arazoak zirela eta berriz ezagutu zuen bigarren maila.
XXI mendea
Gaur egun Bundesligan ari da jokatzen. Azken titulu bat irabazi zuen 2007an, Alemaniako Kopa hain zuzen ere.
Palmaresa
Alemanian: 13
- Alemaniako Liga (9): 1920, 1921, 1924, 1925, 1927, 1936, 1948, 1961, 1968
- Alemaniako Kopa (4): 1935, 1939, 1962, 2007
Europan: 1
- UEFA Intertoto Kopa (1): 1968
Kanpo loturak
- (Alemanez) (Ingelesez) Webgune ofiziala
 |
Wikimedia Commonsen badira fitxategi gehiago, gai hau dutenak: 1. FC Nuremberg  |