1. Linea (Bilboko metroa)

1. Linea

Ikurrak Plentzia 5' Urduliz 2' Sopelana 2' Larrabasterra 2' Berango 1' Ibarbengoa-Getxo 2' Bidezabal 1' Algorta 2' Aiboa 1' Neguri 2' Gobela 2' Areeta 1' Lamiako 2' Leioa 1' Gobela ibaia Astrabudua 2' Erandio 3' Asua ibaia Lutxana 2. Linea 2' San Inazio L2 1' Sarriko 2' Deusto 1' Bilboko itsasadarra San Mamés C-1, C-2 2' Indautxu 1' Moyua 1' Abando C-1, C-2, C-3, feve 2' Bilboko itsasadarra Casco Viejo 4 1' Santutxu 2' Basarrate 1' Bolueta 1, 1D, 3 1' Nerbioi ibaia Etxebarri L2 2. Linea

1. Linea

Irekiera	1995ko azaroaren 11n
Nork ustiatuta	Metro Bilbao S.A.
Martxan dabilen geltoki kopurua	28
Azken luzapena	2005ko urtarrilaren 5ean, Etxebarri
Hurrengo luzapenak	Ibarbengoa-Getxo
Luzera totala	28,830 Km
Estaldutako udalerriak	Etxebarri, Bilbo, Erandio, Leioa, Getxo, Berango, Sopelana, Urduliz eta Plentzia

Bilboko metroaren 1. Linea Etxebarriko geltokian hasi eta Plentziako geltokian bukatzen da, eta bidetik Etxebarri, Bilbo eta Bilboko itsasadarraren Eskuinaldetik igarotzen da.

Lineak tarte amankomuna dauka 2. Linearekin, San Inazio eta Etxebarri artean. Tarte amankomuneko geltoki guztiak lurpekoak dira, Bolueta eta Etxebarriko geltokiak izan ezik. Bestalde, San Inaziotik Plentziara arteko tartea Eusko Trenbideak enpresak ustiatutako linea izan zen. Zati horren geltokiak lurgainekoak dira, Erandio, Areeta eta Algortakoak izan ezik.

Historia

1995eko azaroaren 11n José Antonio Ardanza Lehendakariak Bilboko metroaren lehenengo 23 geltokiak inauguratu zituen, hots, Casco Viejo - Plentzia tartea. Honela, Bilboko metroko lehenengo linea martxan jarri zen.

Urte bat geroago, 1996ko ekainaren 24an, Getxon Areeta eta Neguri geltokien artean Gobelako geltokia inauguratu zen.

1997ko uztailaren 5ean hiru geltoki berri gaineratu zitzaizkion Metro sareari: (Santutxu, Basarrate eta Boluetako geltokiak).

1999an San Mameseko Trukatzailea eraikitzen hasi zen, non gaur egun Renfeko Aldirikoen, EuskoTranen eta Termibusen zerbitzuak Metroarekin lotzen diren.

2005eko urtarrilaren 8an Etxebarriko geltokia martxan jarri zen.

Geltokiak

• Etxebarri: Lurgaineko geltokia da, Etxebarriko udalerriaren behekaldean dago. Geltokiaren ondoan aparkaleku bat egokitu da metroa erabilita kotxea bertan prezio merkean aparkatzeko, mugikortasuna eta garraio publikoa sustatu nahian. 2005eko urtarrilaren 8an inauguratu zen.

• Bolueta: Izen bereko Bilboko auzoan dago. Sarbide bakarreko lurgaineko geltoki hau 1997ko urtarrilaren 5ean inauguratu zen.

• Basarrate: Bilboko Santutxuko auzoaren hegoaldean kokatzen da. Sarbide bakarreko lurpeko geltokia da, sarbidea Basarrateko landaren ondoan dago. 1997ko urtarrilaren 5ean inauguratu zen.

• Santutxu: Bilboko Santutxuko auzoan kokatzen da. Bi sarbideko lurpeko geltokia da, bata Zabalbide kaleko 53. zenbakian, eta bestea Tenor Fagoaga kaleko 6. zenbakian. Igoigailua Karmelo kalean dago. 1997ko urtarrilaren 5ean inauguratu zen.

• Casco Viejo (Zazpi Kaleak): Bilboko Alde Zaharrean kokaturik, lurpeko geltoki honek bi sarbide dauzka. Bata Unamuno Plazan eta bestea San Nikolas elizaren alboan. Horrez gain, Begoñako auzoarekin komunikaturik dagoen igogailua dago. 1995eko azaroaren 11ean inauguratu zen.

• Abando: Bilboko Abando auzoan dago. Lurpeko geltoki honek hiru sarbide dauzka. Bata On Diego Lopez Harokoaren Bide Nagusiaren 1. zenbakian (igogailua ere bertan dago), beste bat Berastegi kaleko 1. zenbakian, eta hirugarrena Iparreko geltokian. 1995eko azaroaren 11ean inauguratu zen.

• Moyua: Bilboko Federico Moyua Plazaren inguruan kokatzen da. Lurpeko geltoki honek hiru sarbide dauzka. Bata Moyua Plazan 1. zenbakian, beste bat Moyua Plazaren 3. zenbakian, eta hirugarrena Diputazio kaleko 8. zenbakian. Igogailua On Diego Lopez Harokoaren Bide Nagusiaren 37. zenbakian dago. 1995eko azaroaren 11ean inauguratu zen.

• Indautxu: Bilboko Indautxuko auzoaren inguruan kokatzen da. Lurpeko geltoki honek bi sarbide dauzka. Bata Areiltza Doktorea kaleko 33. zenbakian, eta bestea Indautxu Plazan. Igogailua Areiltza Doktorea kaleko 25. zenbakian dago. 1995eko azaroaren 11ean inauguratu zen.

• San Mames: Bilboko Basurtuko auzoaren inguruan kokatzen da. Lurpeko geltoki honek bi sarbide dauzka. Bata Sabino Arana etorbideko 17. zenbakian, eta bestea Luis Briñas kaleko 23. zenbakian. Igogailua Luis Briñas kaleko 13. zenbakian dago. 1995eko azaroaren 11ean inauguratu zen.

• Deusto: Bilboko Deustuko auzoan kokatzen da. Lurpeko geltoki honek bi sarbide dauzka. Bata Iruña kalean, eta bestea Lehendakari Agirre etorbidean, Bidarte merkatal-gunearen aurrean). Igogailua Iruña kalea eta Lehendakari Agirre etorbideen gurutzagunean dago. 1995eko azaroaren 11ean inauguratu zen.

• Sarriko: Bilboko Ibarrekolanda auzoan kokatzen da. Lurpeko geltoki honek sarrera bakarra dauka Benidorm kaleko 2. zenbakian. Lehendakari Agirre etorbidean bigarren sarrera bat aurrikusita zegoen arren, azkenean ez zen eraiki. Igogailua geltokiaren barruan dago. 1995eko azaroaren 11ean inauguratu zen.

• San Inazio: Bilboko San Ignazioko auzoan kokatzen da. Lehen eta bigarren lineak bidebanatzen diren geltokia da. Lurpeko geltoki honek lau sarrera ditu, Lehendakari Agirre etorbidearen 162. zenbakian, 167. zenbakian, 179. zenbakian eta Levante Plazako 2. zenbakian. Igogailua Lehendakari Agirre etorbideko 170. zenbakian dago.

• Lutxana: Erandioko Lutxanako auzoan kokatzen da. Lurgaineko geltoki honek sarrera bakarra dauka. Lehen lineako bidaiari gutxien dituen geltokia da. 1995eko azaroaren 11ean inauguratu zen.

• Erandio: Erandioko Desertuko auzoan kokatzen da. Lurpeko geltoki honek sarrera bakarra dauka Geltokiaren etorbidean. 1995eko azaroaren 11ean inauguratu zen.

• Astrabudua: Erandioko Astrabuduako auzoan kokatzen da. Lurgaineko geltoki honek sarrera bakarra dauka Astrabudua auzoaren behekaldean Bilboko itsasadarretik hurbil. 1995eko azaroaren 11ean inauguratu zen.

• Leioa: Leioako Udondoko auzoaren ondoan kokatzen da. Lurgaineko geltoki honek sarrera bakarra dauka, Sabino Arana 3 kalean, igogailua geltokiaren barruan dago. Leioako metro geltokiaren ondoan aparkaleku bat egokitu da metroa erabilita kotxea bertan dohainik aparkatzeko. 1995eko azaroaren 11ean inauguratu zen.

• Lamiako: Leioako Lamiakoko auzoan kokatzen da. Lurgaineko geltoki honek bi sarrera dauzka, bata Langileria kaleko 79. zenbakian, eta bestea Gabriel Aresti kaleko 1. zenbakian. Igogailua geltokiaren barruan dago. 1995eko azaroaren 11ean inauguratu zen.

• Areeta: Getxoko Areetako auzoan kokatzen da. Lurpeko geltoki honek bi sarrera dauzka, Ibaigane kaleko 2. eta 23. zenbakietan. Igogailua Ibaigane kaleko 2. zenbakian dago. 1995eko azaroaren 11ean inauguratu zen.

• Gobela: Getxoko Gobelako auzoan kokatzen da. Lurgaineko geltoki honek sarrera bakarra dauka, Negubide kaleko 53. eta 55. Igogailua geltoki barruan dago. 1996ko ekainaren 24ean inauguratu zen.

• Neguri: Getxoko Neguriko auzoan kokatzen da. Lurgaineko geltoki honek bi sarrera dauka Sarrenabarri kaleko 1. zenbakian eta bestea Cristobal Colon kalean. Igogailua geltoki barruan dago. 1995eko azaroaren 11ean inauguratu zen.

• Aiboa: Getxoko Aiboako auzoan kokatzen da. Lurgaineko geltoki honek bi sarrera dauzka, bata Txakursolo kaleko 14. zenbakian, eta bestea Sarrenabarri kalean. Igogailua geltoki barruan dago. 1995eko azaroaren 11ean inauguratu zen.

• Algorta: Getxoko Algortako auzoan kokatzen da. Lurpeko geltoki honek bi sarrera dauzka, biak Telletxe kalean. Igogailua ere Telletxe kalean dago. 1995eko azaroaren 11ean inauguratu zen.

• Bidezabal: Getxoko udalerrian kokatzen da. Lurgaineko geltoki honek bi sarrera dauzka. 1995eko azaroaren 11ean inauguratu zen.

• Ibarbengoa-Getxo: Zerbitzutik kanpo, Getxoko Andra Mari auzoan kokatzen da. Lurgaineko geltokia da eta 2013. urtean inauguratzea espero da.

• Berango: Berangoko udalerrian kokatzen da. Lurgaineko geltoki honek sarrera bakarra dauka. 1995eko azaroaren 11ean inauguratu zen.

• Larrabasterra: Sopelako Larrabasterrako auzoan kokatzen da. Lurgaineko geltoki honek sarrera bakarra dauka. 1995eko azaroaren 11ean inauguratu zen.

• Sopelana: Sopelako udalerriaren erdigunean kokatzen da. Lurgaineko geltoki honek sarrera bakarra dauka. 1995eko azaroaren 11ean inauguratu zen.

• Urduliz: Urdulizeko udalerriaren erdigunean kokatzen da. Lurgaineko geltoki honek sarrera bakarra dauka. 1995eko azaroaren 11ean inauguratu zen.

• Plentzia: Plentziako udalerriaren kanpoaldean dago, Butroe ibaiaren zubitik gertu. Lurgaineko geltoki honek sarbide bakarra dauka Geltoki kalean. 1995eko azaroaren 11ean inauguratu zen.

Linearen lotuneak honakoak dira:

• Bolueta: Euskotren Trenaren 1., 1D eta 3. Lineak, Donostia, Ermua eta Bermeora, hurrenez hurren.
• Zazpi Kaleak: Euskotren Trenaren 4. Linea, Lezamara.
• Abando: Renfe Aldirien C-1, C-2 eta C-3, Santurtzi, Muskiz eta Urduñara, hurrenez hurren; Feveren B-1 eta R-3b Balmaseda eta Karrantzara; Euskotren Tranbiaren linea, eta Renferen linea luzeak.
• San Mames: Renfe Aldirien C-1 eta C-2, Santurtzi eta Muskizera hurrenez hurren; Termibus eta Euskotren Tranbiaren linea.
• San Inazio: Metroaren 1. eta 2. Lineen arteko lotura.

Hurrengo luzapenak

Bilboko metroaren 1. Lineak geltoki bat gehiago izango du, 2013. urtearen amaieran martxan jarriko den Ibarbengoa-Getxoko geltokiarekin.

Ikus, gainera

• 2. Linea (Bilboko metroa)
• 3. Linea (Bilboko metroa)
• 4. Linea (Bilboko metroa)
• 5. Linea (Bilboko metroa)
• Mamarigako funikularra
• Bilboko metroa