13, Rue del Percebe

Wikipedia(e)tik
Hona jo: nabigazioa, Bilatu

13, Rue del Percebe Francisco Ibáñez kataluniar komikigileak sortutako komiki bat da. Komiki hau orrialde oso bateko bineta handi batez osatzen den, 1961eko martxoaren 6an lehenbiziko aldiz Editorial Bruguera argitaletxeko Tío Vivo haur-aldizkarian argitaratu zelarik. Denbora luze gabe bere ezohiko egitura berriari esker ospetsu bilakatu zen.

Komiki honetan hiri bateko auzo batean dagoen eraikin batetako hainbat auzotarren eguneroko gertakizun eta gorabeherak irudikatuta agertzen dira.

Auzotarrak[aldatu | aldatu iturburu kodea]

Auzoatarrak bakoitza bere solairu eta etxebizitzan irudikatuak agertzen dira:

  • Eraikinaren goialdean Manolo izeneko gizon lotsagabea bizi da, bere hatzekodunekin beti zorretan eta haiengandik nola edo hala ihez egin nahirik, horretarako burura etortzen zaizkion trikimailu guztiak erabiliko dituelarik. Bestalde, terrazan katu beltz gizajo bat torturatu ohi duen sagu maltzur bat ere bizi da.
  • Hirugarren solairuan Zeferino lapurra bizi da, honek erabilpenik gabeko gauzak lapurtzetik ezin utzi eta bere emaztea beti kexu da. Aldameneko txebizitzan, emakume bat eta erabat bihurriak diren bere semea txiki ugariak bizi dira, hasierako ataletan haur hauek arreba bat ere bazuten, baina hurrengo ataletan desagertu egin zen.
  • Bigarren solairuan bistatik gaizki dagoen atso zahar bat bizi da, animalien zale nekagaitza, maskotaz etengabe aldatu ohi du (normalki txakurrak, baina baita bitxiagoak ere, horien artean bale bat). Aldameneko atean Viktor Frankestein berbera txiki utziko lukeen profesore ero bat bizi da, ondorengo ataletan bere bezeroak inoiz gustura utzi ez eta bere jantzietan akatsak burutzen dituen jostun lotsagabe batengantik ordezkatua izan zen.
  • Lehenengo solairuan ezkerraldean oso trebea ez den albaitero bat bizi da, eskuinaldean berriz Leonor andrea, ostatu bateko jabe zitala, ostatua bere bezeroez gainpopulatu eta baldintza kaskarretan izan ohi ditu.
  • Behealdeko solairuan Senén jaunaren denda kokatzen da, dendari honek bertara erostera joaten diren etxekoandrei iruzurra egin ohi die, adibidez patata eta fruituen pisuarekin (nahiz eta batzutan bere iruzurrak ez oso ongi atera). Aldamenean, etxebizitzako atezaina egon ohi da, emakume hitzontzi eta begiluzea.

Baina gauza ez da hor amaitzen, denda eta atezaintzailearen aurrealdeko estoldan Huron jauna bizi baita, lehenbiziko atalean ulertzera ematen denez, ziurrenik hau ere ostatu andreak alokatutakoa. Eraikin honetako igogailu nahiz eta beti matxuratua egon, komikian berezko nortasuna bereganatu ohi du, fenomenu bitxi eta mota guztietako xelebrekeriak izaten baiditu. Bestalde, komiki bakoitzean eskailerako armiarma mozorro ezberdinez mozorrotua agertu ohi da, sarritan b Hay que parar atención a la araña de la escalera qigarren mailako pertsonaiekin batera berezko istorioak izanez.

Analisia[aldatu | aldatu iturburu kodea]

13, Rue del Percebe komikia itxuraz elkarrengandik independienteak eta isolatuak dauden hainbat istorioz osatuta dago, betiere pertsonai finko eta bakoitzak bere nortasuna dutelarik, denak eraikin berberan bizitzeak elkartzen dituelarik.Honek komikiaren irakurleari komiki nahi duen ordeneen irakurtzeko aukera ematen dio, modu ez-linealean.

Ikus gainera[aldatu | aldatu iturburu kodea]