1900eko Udako Olinpiar Jokoak

Wikipedia, Entziklopedia askea
1900eko Udako Olinpiar Jokoak
MotaUdako Olinpiar Jokoak
Denbora-tarte1900eko maiatzaren 14a - 1900eko urriaren 28a
Data1900
Edizio zenbakia2
KokalekuParis
HerrialdeaFrantzia
Partehartzaile kopuru24
997
Parte-hartzaileak
Beste batzuk
Kirol proba olinpiko95
Osatuta

Webguneolympics.com…
Pilota 1900eko Olinpiar Jokoetan, Paris

1900eko Parisko Olinpiar Jokoak, aro modernoko Olinpiar Jokoetako II. edizioa izan zen. 1900eko maiatzak 14 eta urriak 28 artean ospatu zen, urte horretako Parisko Erakusketa Unibertsalean. 26 naziotako 1225 kirolarik parte hartu zuten (1206 gizon eta 19 emakume) 17 kirol eta 166 probatan. Esan bezala, Erakusketa Unibertsalean zehar ospatu ziren, eta, horren ondorioz, antolatzaileek, kirol probak bost hilabetetan zehar banatu zituzten.

Aro modernoko II. Olinpiar jokoak, Coubertin baroiaren herrian, Parisen antolatu zirenak, antolaketa negargarriagatik nabarmendu ziren, bere bost hilabeteko iraupenagatik (maiatzak 14tik urriak 28ra), eta Erakusketa Unibertsalaren barnean antolatu zirelako. Gaur egun, oraindik zalantzan jartzen da proba batzuen ofizialtasuna. Proba horietan 1225 kirolarik parte hartu zuten, lehen aldiz, emakumeek parte hartzen zutelarik, orotara 19 emakumek. 26 naziok parte hartu zuten 17 kiroletan, eta Frantzia, Erresuma Batua eta AEBak izan ziren domina zerrendaren buru.

Aro Modernoko II. Olinpiar Joko hauen zoritxarra, Erakusketa Unibertsalarekin batera antolatu izana da, Erakusketako komisarioak, Alfred Picardek, Coubertin baroiaren ideia erabat ezberdinak baitzituen. Olinpiar idealek inongo garrantzirik ez zutela uste zuen: guztiak, manifestazioen ikuskizunaren mende egon behar zuen, eta manifestazio edo ikuskizun motak ez zuen batere garrantzirik. Berdin zion kirol aktibitateak, globo erakusketa, zaku lasterketa edo uso mezulari lehiaketak izatea. Berdin zion lehiaketetan profesionalak eta afizionatuak nahastea, are gehiago, nahaste hau sustatzen zen, honela ikuslearen jakingura gehitzeko.

Coubertin baroia, egoera hobetzen saiatu zen ekimen pribatuaren laguntzarekin, baina frantziar kiroleko hoberena kontrolatzen zuen federazioaz ahaztu zen, honek bere laguntza ukatu ziolarik. Honela, Erakusketa Unibertsalaz baliatu behar izan zuen, non aktibitate kopuru handiak, kirol lehiaketen garrantzia oso urritua uzten zuen, eta honela, ez zuten herriaren laguntzarekin kontatzen.

Aro Modernoko II. Olinpiar Joko hauek itzelezko nahas-mahasa izan zen, parte hartzaileetako askok olinpiar proba batean parte hartzen ari zirela ere ez zekiten, proba hauek, lehiaketa, jaialdi edo nazioarteko biltzar bezala aurkezten baitziren, elkarren arteko loturarik gabe, ez zegoen araudirik, eta, bazeuden, ezeztatu eta gutxi batzuen nahien arabera berregiten ziren.

Mende aldaketan zehar, publizitatea martxan jarri zen arren, Erakusketa Unibertsalak hain utzi zuen itzalean Olinpiar Jokoen II. edizio hau, kartel ofizialik ere ez zela egon. Lehiaketa zehatzei erreferentzia egiten dieten kartel batzuk baino ez dira kontserbatzen, Erakusketaren barnean, Olinpiar Jokoenak izan arren.

Nazio eta kirolen kopurua, aurreko Olinpiar Jokoekiko gorantz joan zen arren, 1896ko Atenasko Olinpiar Jokoekiko, II. edizio honen garrantzia askoz txikiagoa izan zen.

Dominak[aldatu | aldatu iturburu kodea]

██ Antolatzailea (Frantzia)

RankingaHerrialdeaUrreaZilarraBrontzeaGuztira
1 Frantzia (FRA)*273837102
2 Ameriketako Estatu Batuak (USA)19141548
3 Britainia Handia (GBR)158932
4 Talde mistoa (ZZX)85619
5 Belgika (BEL)67417
6 Suitza (SUI)6219
7 Alemania (GER)4329
8 Italia (ITA)3205
9 Australia (AUS)2035
10 Danimarka (DEN)1326
Guztira (10 herrialdeak)918279252

Une handiak[aldatu | aldatu iturburu kodea]

Kirolak[aldatu | aldatu iturburu kodea]


Aurrekoa
1896ko Atenasko Olinpiar Jokoak
Aro Modernoko Udako II. Olinpiar Jokoak
1900
Ondorengoa
1904ko San Luiseko Olinpiar Jokoak

Kanpo estekak[aldatu | aldatu iturburu kodea]