AEK Atenas B.C.

AEK Atenas B.C. (grezieraz Αθλητική Ένωσις Κωνσταντινουπόλεως ), literalki Konstantinopolisko Atleten Elkartea bezala itzulia, AEK Atenas talde kirolanitzaren saskibaloiko sekzioa da, bere egoitza Atenasen duena eta A1 Ethniki liga jokatzen duena. 1924an sortu zuten Konstantinopolisetik (gaur egun Istanbul) 1919 eta 1922 artean gertatu zen Greziar-Turkiar Gerraren ondoren ihes egin zuten errefuxiatu greziarrek.

Urteetan zehar, asko izan dira talde honetan jokatu duten jokalari handiak, Rolando Blackman, Ricky Pierce, Ruben Patterson, Kurt Rambis, Jon Robert Holden edo Jake Tsakalidis bezalakoak nabarmentzen direlarik.

Historia

AEKren saskibaloi taldea AEK Atenas talde kirolanitzaren sekziorik arrakastatsuenetako bat da. Arrazoia, nazioarte mailako lehiaketa bat irabazten lehena izan zela da. Taldea sortu bezain pronto, 1924an, urte horretan YMCAk antolatutako lehiaketa bat irabazi zuten. 1963-1964 denboralditik Greziako Lehen Mailan (1986tik A1 Ethniki deitua) etengabe parte hartzen ari den hiru talde bakarretako bat da (besteak Panathinaikos BC eta Aris Salonika B.C. dira.

AEK Atenas Saskibaloiko Europako Kopako Final Fourrean parte hartu zuen lehen talde greziarra izan zen, gaur egun Euroliga izena jasotzen duena, 1966an, Bolonian ospatu zen edizio batean. Bi urte beranduago, 1968an, kontinente mailako titulu bat irabazi zuen lehen talde greziarra ere izan zen, Slavia Praga 89-82 garaitu ondoren Saskibaloiko Europako Errekopako finalean. 1960ko hamarkadako taldetzat hartua izan zen lau titulu nazional jarraian irabazi ondoren, 1963, 1964, 1965 eta 1966an, 1968 eta 1970ean lortutakoez gain.

Palmaresa

Nazioarteko tituluak

• Europako Saskibaloi Errekopa (1968)
• Saporta Kopa (2000)
  • Euroligako finalista 1998an.

Titulu Nazionalak

• 8 Greziar Liga: 1958, 1963, 1964, 1965, 1966, 1968, 1970 eta 2002
• 3 Greziako Kopa: 1981, 2000 eta 2001

Jokalariak

• Artikulu nagusia: AEk Atenaseko saskibaloi jokalariak

2010-2011 denboraldiko jokalariak

• 5 Darko Cohadarevic Hegal-pibota 2.08 metro
• 6 Prodromos Nikolaidis Hegala 2.01 metro
• 7 Nikos Papanikolau Hegala 2.06 metro
• 8 Jarret Hart Eskolta 1.95 metro
• 9 Dimosthenis Dikoudis Pibota 2.08 metro
• 11 Periklis Dorkofikis Hegal-pibota 2.07 metro
• 12 Tasos Antonakis Pibota 2.05 metro
• 13 Avraam Kallinikidis Hegala 1.97 metro
• 15 Vangelis Tzolos Basea 1.90 metro
• 17 Voukasin Mandic Hegala 2.02 metro

Entrenatzaileak

Entrenatzaile nagusia

• Aggelos Koronios

Entrenatzaile laguntzaileak

• Marios Despotakis
• Evaggeloz Ziagkos

Jokalari historikoak

• Terence Stansbury
• Joe Arlauckas
• Rolando Blackman
• Zoran Savić
• Rasho Nesterovic
• Efthimios Rentzias
• Pedja Stojakovic
• Frédéric Weis
• Cliff Levingston
• Scott Skiles
• Ricky Pierce
• Ruben Patterson
• Kurt Rambis
• J.R. Holden
• Jake Tsakalidis

Kanpo loturak

• (Grezieraz)AEKren webgune ofiziala