A Big Hand for the Little Lady
A Big Hand for the Little Lady (euskaraz Esku Bikaina Anderetxoarentzat) 1966ko Fielder Cook estatubatuar zinema zuzendari eta ekoizleak zuzendu eta ekoiztutako western filma bat da. Henry Fonda, Joanne Woodward, Paul Ford, Jason Robards, Burgess Meredith, Charles Bickford eta Kevin McCarthy aktoreek antzeztu zuten.
Filma berez, 1962ko The DuPont Show of the Week telesaileko Big Deal in Laredo atalaren berregokitzapena da.
Argumentua
Mendebalde Urruna. Meredith (Henry Fonda) eta Mary (Joanne Woodward) senar-emazteak eta haien semeak heeuren bidaian etena egin eta Laredo herriko hotelean ostatu hartuko dute. Bertan, hirukoteak jakin gabe, leku guztietako jokalari dirudunek jokatuko duten Mendebalde Urrun osoko poker partida garrantzitsuena ospatzera doa, jokalarieen artean Henry Drummond (Jason Robards) aberatsa dagoelarik. Partida honen berri izatean eta bere emaztearen nahigaberako, Meredith bere antzinako jokozalekerian erori eta familia osoaren aurrezkiak galduko ditu. Bapatean, Meredithek bihotzekoa izan eta Mary berak senarrak zuen esku edo jokaldiarekin partida amaitzeko ardura izango du. Jokoan 20.000 dolarretako saria eta familiaren etorkizuna dago!
Aktoreak
- Henry Fonda: Meredith
- Joanne Woodward: Mary
- Jason Robards: Henry P.G. Drummond
- Paul Ford: C.P. Ballinger
- Charles Bickford: Benson Tropp
- Burgess Meredith: Doc Joseph Scully
- Kevin McCarthy: Otto Habershaw
- Robert Middleton: Dennis Wilcox
- John Qualen: Jesse Buford
- Percy Helton: Kevin McKenzie
- Gerald Michenaud: Jackie
- James Kinney: Sam Rhine
- Allen Collins: Toby
- Jim Boles: Pete
- Virginia Gregg: Drummond andrea
- Chester Conklin: tabernako gizon zaharra
- Mae Clarke: Craig andrea
- Ned Glass: Owney Price
- James Griffith: Stribling jauna
- Noah King: Sparrow