Abadiño
|
Abadiño |
|||
|---|---|---|---|
 Bizkaia |
|||
 |
|||
|
|||
| Izen ofiziala | Abadiño | ||
| Estatua Erkidegoa Lurralde Historikoa Eskualdea |
Espainia Euskal Autonomia Erkidegoa Bizkaia Durangaldea |
||
| Alkatea | José Luis Navarro Donaire (Abadiñoko Independenteak) | ||
| Herritarra | abadiñar | ||
| Koordenatuak | 43°09′00″N 02°36′37″W / 43.15°N 2.61028°WKoordenatuak: 43°09′00″N 02°36′37″W / 43.15°N 2.61028°W | ||
|
|
|||
| Eremua | 36,26 km2 | ||
| Garaiera | 120 m | ||
| Distantzia | 34 km Bilbora | ||
| Posta kodea | 48220 |
||
| Biztanleria | 7.312 bizt (2011) | ||
| Dentsitatea | 201,65 bizt/km² | ||
| http://www.abadiano.org/ | |||
Abadiño Bizkaiko hego-ekialdean dagoen udalerria da, Durangaldean.
Eduki-taula |
[aldatu] Geografia
[aldatu] Inguru naturala
Abadiño elizatea Bizkaiko erdi-hegoaldean dago Durangaldean, Ibaizabal ibaiaren haranaren zati handi bat hartzen du. Zaldu erreka, Zaldibartik datorrena, batzen zaion tokian dago, eta Urkiolako parke naturala ere hartzen du haren isurialde mediterraneoarekin eta kareharri hormekin.
Anbotoko mendilerroa Alluitz (1.040 m) barne hartzen du udalerriak. Aipatzekoa da, halaber, Atxarteko eskalada eskola.
[aldatu] Auzoak
Abadiñok honako auzo hauek ditu:
- Amaitermin
- Astola
- Gaztelua
- Gerediaga
- Lebario
- Irazola
- Mendiola
- Murueta
- Muntsaratz
- Sagasta
- Traña-Matiena
- Zelaieta
[aldatu] Udalerri mugakideak
Iparraldean Garai; Ipar-ekialdean Berriz; ekialdean Elorrio; Hego-ekialdean Atxondo; hegoaldean Otxandio eta Aramaio, (Araba); hego-mendebaldean Dima; mendebaldean Izurtza eta Mañaria; eta Ipar-mendebaldean Durango eta Iurreta.
[aldatu] Demografia
| 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2010 |
|---|---|---|---|---|---|---|---|---|---|---|---|
| 1.967 | 1.997 | 2.102 | 2.301 | 2.309 | 2.430 | 2.783 | 4.097 | 6.609 | 7.070 | 6.843 | 7.310 |
[aldatu] Politika
[aldatu] 2011ko udal hauteskundeak
2011ko udal hauteskundeetan, sei zerrenda aurkeztu ziren Abadiñon: Abadiñoko independenteak, Alderdi Popularra, Bildu, Euskadiko Alderdi Sozialista - Euskadiko Ezkerra, Euzko Alderdi Jeltzalea eta Ezker Batua-Berdeak. Hauek izan ziren emaitzak:
- Abadiñoko independenteak: 1.648 bozka (6 zinegotzi)
- Bildu: 1.516 bozka (5 zinegotzi)
- EAJ: 652 bozka (2 zinegotzi)
- EB-B: 106 bozka (ordezkaritzarik ez)
- PSE-EE: 103 bozka (ordezkaritzarik ez)
- PP: 91 bozka (ordezkaritzarik ez)
Abstentzioa %28,84koa izan zen, 28 bozka zuri egon ziren eta 19 bozka baliogabe. Hauteskunde hauen ondoren, independenteen zerrendaburua, Jose Luis Navarro Donaire, bihurtu zen bigarren aldiz Abadiñoko alkate, bere zinegotzien botoei eta EAJko zinegotzien abstentzioari esker, Bilduk bere zerrendaburuaren alde egin baitzuen.[1]
[aldatu] Kultura
[aldatu] Jaiak
Udalerriak hainbat jai ospatzen ditu urtean zehar. Horien artean:
- San Blaseko feria, otsailaren 3n. Bertan nekazari eta abeltzaintza dira garrantzitsuenak.
- Herriko jaiak maiatzaren 15ean ospatzen dira, Trokaz sainduaren omenezko ospakizunak eginez.
Bestalde, Traña-Matiena auzoak, apirilaren 28an ospatzen ditu bere jaiak, Prudentzio Deunaren omenezko jaiak.
[aldatu] Elkarteak
Topagunea euskara elkarteen federakundeak eta Gerediaga Elkarteak herri honetan daukate egoitza nagusia.
[aldatu] Abadiñar ezagunak
- Luis Berrizbeitia (1963-), idazlea.
[aldatu] Erreferentziak
- ↑ (Euskaraz) Anboto.org:Jose Luis Navarro izango da alkatea bigarren bider (2011-06-12an eskuratua)
[aldatu] Kanpo loturak
- (Euskaraz) (Gaztelaniaz) Abadiñoko webgune ofiziala
- (Euskaraz) Durangaldea
- (Euskaraz) Topagunea Euskara Elkateen Federazioa
- (Euskaraz) (Gaztelaniaz) (Ingelesez) (Frantsesez)Kultur Kabia Zerbitzuak
