Abbas Kiarostami

Abbas Kiarostami
	; Irudi gehiago
Bizitza
Jaiotza	Teheran, 1940ko ekainaren 22a
Herrialdea	Iran
Talde etnikoa	Irandar herriak
Heriotza	Parisko 14. barrutia, 2016ko uztailaren 4a (76 urte)
Heriotza modua	berezko heriotza: urdaileko minbizia; konplikazio kirurgikoa
Familia
Seme-alabak	ikusi Bahman Kiarostami;
Hezkuntza
Heziketa	Teherango Unibertsitatea
Hizkuntzak	ingelesa; persiera
Ikaslea(k)	ikusi Mohammad Mohammadian;
Jarduerak
Jarduerak	film-zuzendaria, gidoilaria, argazkilaria, zinema ekoizlea, poeta, film-muntatzailea, aktorea, margolaria, eskultorea, argazki-zuzendaria, diseinatzaile grafikoa, ilustratzailea, fotokazetaria, editore-laguntzailea, producer (en) eta errealizadorea
Jasotako sariak	ikusi Ohorezko Legioko ofiziala ; Konrad Wolf Prize (2003) ; Praemium Imperiale (2004) ; Austrian Decoration for Science and Art (2014) ; honorary doctor of Ca' Foscari University of Venice (2003) ; Ohorezko Legioa ; Urrezko Palma ;

Abbas Kiarostami (persieraz: عباس کیارستمی‎; Teheran, 1940ko ekainaren 22a - Paris, 2016ko uztailaren 4a) irandar zinema-zuzendari eta gidoigilea izan zen. Arte Ederretako ikasketak egin zituen. Pintore eta diseinatzaile grafiko gisa jardun zuen lanean. 60ko hamarkadan, sormen handia erakutsi zuen publizitate-zinemagintzan, eta iragarki asko egin zuen. 1969an, Haur eta Nerabeen Adimen Garapenerako Institutuan sartu zen. Institutu horren babespean, hainbat film labur egin zituen, gehienak didaktikoak, adibidez, Nan va kuche. Iraultza Islamiarra baino lehen, bi film luze egin zituen. Iraultzaren ondoren, Iranen geratzea eta institutu horretan jarraitzea erabaki zuen. Haurren mundua islatzen dute Kiarostamiren film askok. 1987an, Jâne-ye dust koŷâst? filma grabatu zuen. Locarnoko 1989ko Jaialdian, oso harrera ona izan zuen, eta ospea eman zion nazioartean. Beste film aipagarri batzuk hauek dira: Avvaliha (1985), Mashq-e shab (1989), Nama-ye nazdik (1990), Zendegi va digar hich (1991), Olibondoetan zehar (1993), Gerezien zaporea (1997). Azken film horri Urrezko Palma eman zioten 1997ko Canneseko Zinemaldian. 2010ean, Copie Conforme (Copia Certificada) filmak Urrezko Galburua irabazi zuen Valladolideko Semincin, eta filmeko protagonista Juliette Binochek, Emakumezko Aktore Onenaren Saria, Cannesko Zinemaldian.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak[aldatu | aldatu iturburu kodea]

(Ingelesez) Abbas Kiarostami IMDb

Datuak: Q55210
Multimedia: Abbas Kiarostami / Q55210