Abd ar-Rahman III.a

Abd ar-Rahman III.a —arabieraz: عبد الرحمن الثالث‎‎, Abd al-Rahman ibn Muhammad ibn Abd Allah— (Kordoba, 889ko urtarrilaren 11 – Medina Azahara 961eko urriaren 15) Kordobako emir eta kalifa (912-961) eta omeiar leinuko printze Al-Andalusekoa zen. Hogeita bi urte besterik ez zituela ailegatu zen tronura eta hurrengo berrogeita hamar urtez omeiar leinuko printzerik boteretsuena zen. Aita Muhammad printzea, Abd Allah I.a Kordobakoa emirraren semea, zuen eta al-Nasir (euskaraz: Fedearen defendatzailea) ezizena.

Nahiz eta bere erreinaldian erlijio guztietako fededunek erlijio askatasuna izan, ismailitak borrokatu zituen, alde batetik Afrikako bere etsaien aldekoak zirelako eta bestetik berarentzat kalifa titulua aldarrikatzeko.

924an, Antso I.a Gartzesaren Iruñea hiriburua arpilatu zuen. 934an, Iruñeko Erresuma eta Arabako konderria mendean hartu ondoren, bere izeko zen Tota Nafarroakoa bere basailu bihurtu zuen, Gartzea I.a Nafarroakoa bere semea uko eginez.

Kalifa titulua hartu zuen unea

Abd ar-Rahman III.a barne-etsaiak militarki garaitu zituen, eta hori dela eta, ospe handia lortu eta bere burua kalifa aldarrikatu zuen 929. urtean. Horrela, Damaskoko kalifarengandik aske geratu zen guztiz.

≪Goi-goiko Jainkoak guri eman digu gure zoria osatzeko eta bere mesedea jasotzeko eskubidea aldarrikatzeko duintasun osoa, Goi-goiko Jainkoak mesede hori egin baitigu, gure alde egin baitu, maila horretaraino igo baitu gure aginpidea, eta gainera, gure ahaleginaren bidez maila hori eskuratzeko aukera eman digu, gure gobernuaren bidez lortzeko aukera eman digu, gure ospea zehar zabaldu du, gure aginpidea goraipatu du lurraldez lurralde, eta mundu osoa guri begira jarri du, itxaropentsu (...). Hori dela eta, guri buruz mintzatzeko Sinistunen Printzea titulua erabiltzea erabaki dugu, eta horrez gain, jasotako eta bidalitako eskutitz guztietan titulu hori erabiltzea, gure dinastiakoa ez den norbaitek titulu hori erabiltzen badu, bidegabeki erabiltzen baitu guztiz; izan ere, ez dagokio beste inori titulu hori erabiltzea, eta erabiliz gero, merezi duen izen bat hartzen du beretzat.≫

Kordoban, 929lp urtarrilaren 17an.

Erreferentziak

Aurrekoa Abd Allah I.a Kordobakoa

Kordobako emirra 912-929

Ondorengoa Azkena

Aurrekoa Lehenengoa

Kordobako kalifa 929-961

Ondorengoa Al-Hakam II.a

Artikulu hau Andaluziako biografia baten zirriborroa da. Wikipedia lagun dezakezu edukia osatuz.

• Datuak: Q190418
• Multimedia: Abd al-Rahman III, Caliph of Cordoba / Q190418