Achille Occhetto

Achille Occhetto (Turin, Italia, 1936) italiar politikari komunista da.

Biografia

Hamazazpi urterekin, Gazte Federazio Komunistako eta Italiako Alderdi Komunistako kide egin zen. 1961ean, Gazte Federazioko idazkari nazional hautatu zuten, eta Italiako Alderdi Komunistako zuzendaritza nazionalean sartu zen. 1960ko hamarraldiko ikasle protestetako buruzagietako bat izan zen. Alderdiko buruek Siziliara bidali zuten zortzi urterako. Han hautatu zuten diputatu lehen aldiz, 1976an, Italiako Alderdi Komunistak botoen % 34 lortu zuen urte historikoan. Harrezkero, legebiltzarkide izan da legealdi guztietan. 2006tik, Europar Batasuneko legebiltzarkidea da Europako Alderdi Sozialistaren taldean.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.