Adelina Patti

Wikipedia(e)tik
Hona jo: nabigazioa, Bilatu
Adelina Patti

Italiar sopranoa (Madril, 1843 - Craig-y-Nos Castle, Gales, 1919). New Yorken egin zituen Kantu ikasketak. 1859. urtean Donizettiren Lucia de Lammermoor operarekin egin zuen aurkezpena New Yorken. Bi urte geroago Londresko Covent Garden Antzokian, Belliniren La sonnambula operako Aminaren pertsonaia kantatu zuen. Rossini, Bellini, Meyerbeer, Gounod eta Verdiren hasierako operetako pertsonaiak kantatu zituen. Ahots arina eta gardena zuen, nota-tarte zabala hartzen zuen, eta XIX. mendeko koloratura-kantaririk ospetsuena izan zen. Arrakasta handia lortu zuen, batez ere pertsonaia hauekin: Mozarten Don Giovanni operako Zerlina; Meyerbeeren Dinorah-ko Dinorah; eta Rossiniren Sevillako bizargilea-ren Rosina; izan ere, Pattirentzat idatzi zuen Rossinik obra hori.

Erreferentziak[aldatu | aldatu iturburu kodea]

Commonsen badira fitxategi gehiago, gai hau dutenak: Adelina Patti Aldatu lotura Wikidatan