Adenosina trifosfato

Wikipedia(e)tik
Hona jo: nabigazioa, Bilatu
Adenosina trifosfatoa (ATP)


Adenosina trifosfatoa edo ATP nukleotido bat da, adeninaz, desoxirribosaz eta hiru fosfato taldez osatua, bizidun zelulei energia ematen diena. Esan liteke ATPa dela zelularen energia gordailu edo biltegia, energia behar den edozein erreakzio biokimikotan ATPa erabiltzen baita.

Fotosintesian eta arnasketa aerobioan sortutako molekula da. Bere formula osoa C10H16N5O13P3 da.

Molekula honek fosfatoen arteko lotura kobalenteetan pilaturik dauka energia. Lotura bakoitzak 7,7 kcal/mol askatzen du. Hots, adenosina trifosfatoaren hidrolisiak, adenosina difosfatoa sortzeko, 7,7 kcal/mol askatzen du. Beste hainbeste gertatzen da difosfatoa monofosfato bihurtzen denean.


Atp2.jpg


ATP → ADP + Pi + Energia (7,7 kcal/mol)

ADP → AMP + Pi + Energia (7,7 kcal/mol)


ATPak duen energia prozesu biologiko desberdinetan erabiltzen da. Esaterako:

  • molekulen garraio aktiboan, kontzentrazio-gradientearen aurkako garraioan, alegia
  • metabolismoaren bide anabolikoetan, hots, molekula sinpleetatik molekula organiko konplexuak eratzen dituzten bideetan
  • animalien giharren mugimenduan
  • hainbat zelula-higiduretan
  • ugalketa zelularrean


Izaki bizidunek beren funtzioak mantentzeko ATParen behar handia dute. Adibidez, bakterio batek bere metabolismoan batez beste 2.500.000 ATP-molekula behar ditu segundoko.

Commonsen badira fitxategi gehiago, gai hau dutenak: Adenosina trifosfato Aldatu lotura Wikidatan