Aggersborg

Wikipedia(e)tik
Hona jo: nabigazioa, Bilatu
Aggersborg gotorleku vikingoa.

Aggersborg Danimarkan dauden eraztun itxurako gotorleku vikingoen artean handiena da. Ipar Jutlandian kokaturik dago, Limfjord fiordoaren iparraldeko ertzeko Aggersund herrian.

Historia[aldatu | aldatu iturburu kodea]

Burdin Arotik populatua izan bada ere, gaztelua bera 980 urtearen inguruan eraiki zen Harald Blaatand errege vikingoaren edo honen seme Svend I.a "Bizar zatitua"-ren erregealdian. Bi urtetan eraiki zen, baina bost eta hogei urte artean baino ez zen erabilia izan. 5.000 pertsona bizi zitezkeen bertan. Garai hartako Limfjordeko pasabide eta bidegurutze garrantzitsuenak kontrolatzeko eraiki zen.

Aggersborg 1990ean berriztu zen.

Egitura[aldatu | aldatu iturburu kodea]

Eraztunak 240 metrotako diametroa dauka eta lau kale ditu gurutze forman ezarriak. Inguruko harresiak 4 metrotako altuera zuela uste da.

Eraztunaren barnean 48 etxe luzeren aztarnak aurkitu dira. Etxeen hormak kurbatuak ziren, itsasontzi itxura dukatelarik, eta batazbeste 32'5 metro luze eta 8'5 metro zabal ziren. Aurrealdean sarrera zeukaten, 19 metro ingurukoa, eta atzean gela txikiak zituzten.

Etxe bakoitza egiteko 66 haritz handi erabili ziren eta gotorleku guztia eraikitzeko 5.000 inguru.

Etxe luzea berreraikita.

Ikus, gainera[aldatu | aldatu iturburu kodea]

Koordenatuak: 56°59′43.6″N 09°15′17.8″E / 56.995444°N 9.254944°E / 56.995444; 9.254944