Aglaia

Hiru Karite edo Graziak, Antonio Canova.

Aglaia, greziar mitologian (antzinako grezieraz Ἀγλαΐα, "dizdiratsua"), hiru Kariteen artean gazteena eta ederrena zen. Adimena, irudimena eta adimenaren senaren ikur zen.

Bere ahizpa Eufrosine eta Talia bezala (hiru graziak), Zeus jainkoa eta Eurinome ozeanidearen alaba zen.

Bertsio batzuen arabera, Hefestoren emaztea zen (bertsiorik hedatuenak, Hefesto, Afroditarekin ezkondua erakusten duen arren), orfismoaren arabera, honekin, honako hauen ama izan zelarik:

• Eukleia (Ευκλεια), ospe ona eta loriaren jainkosa
• Eufeme (Ευφημη), hitzegite zuzenaren jainkosa
• Eutenia (Ευθηνια), oparotasun eta osotasunaren jainkosa
• Filofrosine (Φιλοφροσυνη), abegikortasun eta ongietorriaren jainkosa

Izen bereko beste pertsonaia batzuk

• Karoperen emaztea eta Nireoren ama
• Apolodoro Atenaskoak beste bat aipatzen du, baina xehetasunik eman gabe.