Aimar Olaizola

Wikipedia(e)tik
Hona jo: nabigazioa, Bilatu
Olaizola II.a
Olaizola II.JPG
Izen osoa: Aimar Olaizola Apezetxea
Jaiotza data: 1979ko azaroaren 13a
Jaioterria: Goizueta, Nafarroa Garaia
(Euskal Herria)
Egungo enpresa: Asegarce
Postua: Aurrelaria
Altuera: 1,83 m
Pisua: 88 kg
Debutatze data: 1998ko apirilaren 12a
Debutatze pilotalekua: Jaian jai (Lekunberri)

Aimar Olaizola Apezetxea, pilota arloan Olaizola II.a deituraz ezaguna (Goizueta, Nafarroa Garaia, 1979ko azaroaren 13a) esku huskako pilotari profesionala da. Aurrelari aritzen da, Asegarce enpresarekin. Esku huskako pilotako lehiaketa nagusietan (buruz burukoa, binakakoa eta lau eta erdikoa) Aimar Olaizola da, Juan Martinez de Irujorekin batera, irabazlearen txapel gehien jantzi dituena da jardunean diren pilotarien artean (hamahiruna txapel, guztira). Esku huskako inoizko pilotari guztien zerrendan, 20 txapel jaso zituen Julian Retegi handia baizik ez da gorago ageri titulu kopuruari dagokionez. Aimarren kirol ibilbideko joko boladarik onena, orain arte, 2011, 2012 eta 2013. urteetan izan da.

Olaizola II.aren ezaugarri nabarmenenetakoak dira ezker gantxo ikaragarria eta defentsa, baina postura guztiak ezin hobeto kontrolatzen ditu, ezkerrarekin batez ere. Ezagunak dira Juan Martinez de Irujoren aurka jokatu dituen partida ikusgarriak, buruz buru bereziki; izan ere, esku huska, Irujo eta Olaizola dira pilotari nabarmenenak XXI. mendean. Aimar Olaizola Lau eta Erdiko Txapelketa Nagusian nabarmendu da gehien; Olaizolaren ezaugarrietara hobekien egokitzen den neurria da, horixe du txapelketarik gogokoena, eta bera da neurri horretan txapel gehien (zazpi) jantzi duen inoizko pilotaria.[1]

Kirol lorpenak[aldatu | aldatu iturburu kodea]

Buruz Buruko Txapelketa Nagusiko finalak[aldatu | aldatu iturburu kodea]

Urtea Txapelduna Txapeldunordea Emaitza Pilotalekua
2003 Patxi Ruiz Olaizola II.a 22-7 Atano III.a
2005 Olaizola II.a Martinez de Irujo 22-18 Atano III.a
2006 Martinez de Irujo Olaizola II.a 22-17 Atano III.a
2007 Olaizola II.a Barriola 22-10 Atano III.a
2009 Martinez de Irujo Olaizola II.a 22-12 Atano III.a
2011 Xala Olaizola II.a 22-19 Bizkaia
2012 Olaizola II.a Martinez de Irujo 22-7 Bizkaia
2013 Olaizola II.a Martinez de Irujo 22-7 Bizkaia

Lau eta Erdiko Txapelketa Nagusiko finalak[aldatu | aldatu iturburu kodea]

Urtea Txapelduna Txapeldunordea Tantoak Pilotalekua
2002 Olaizola II.a Barriola 22-13 Ogeta
2004 Olaizola II.a Barriola 22-08 Ogeta
2005 Olaizola II.a Xala 22-05 Atano III.a
2008 Olaizola II.a Martinez de Irujo 22-17 Atano III.a
2011 Olaizola II.a Martinez de Irujo 22-12 Bizkaia
2012 Olaizola II.a Bengoetxea VI.a 22-9 Ogeta
2013 Olaizola II.a Martinez de Irujo 22-16 Ogeta
2014 Martinez de Irujo Olaizola II.a 22-17 Bizkaia

Binakako Txapelketa Nagusiko finalak[aldatu | aldatu iturburu kodea]

Urtea Txapeldunak Txapeldunordeak Tantoak Pilotalekua
2003 Koka - Beloki Olaizola II.a - Pascual 22-15 Atano III.a
2006 Martinez de Irujo - Martinez de Eulate Olaizola II.a - Zearra 22-11 Ogeta
2008 Olaizola II.a - Mendizabal II.a Titin III.a - Laskurain 22-17 Ogeta
2009 Martinez de Irujo - Goñi III.a Olaizola II.a - Mendizabal II.a 22-21 Atano III.a
2011 Olaizola II.a - Begino Xala - Beroitz(1) 22-14 Bizkaia
2014 Martinez de Irujo - Barriola Olaizola II.a - Aretxabaleta 22-13 Bizkaia

(1) Finalean Beroitzek Barriola ordezkatu zuen, azken hori min hartuta zegoelako eta enpresek atzerapenik onartu ez ziotelako (nahiz eta 1990az geroztik izan diren finalista lesionatu guztiei atzerapena onartu zaien).

Bigarren mailako buruz buruko finalak[aldatu | aldatu iturburu kodea]

Urtea Txapelduna Txapeldunordea Tantoak Pilotalekua
1999(1) Olaizola II.a Hirigoien 22-16 Astelena

(1) 1999an bigarren mailako buruz buruko bi txapelketa jokatu ziren, Aspe eta Asegarce enpresak ados jarri ez zirelako.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]