Aimé Césaire
Aimé Fernand David Césaire (Basse-Pointe, Martinika, 1913ko ekainaren 26a - Fort-de-France, Martinika, 2008ko apirilaren 17a) frantsesezko idazlea eta politikaria izan zen. Haren jarduera politikoak, kontzientzia sozialak eta literaturak zapalduen askatasuna eta herri beltzaren nortasuna aldarrikatzea izan zuten helburu.
Besteak beste, lan hauek idatzi zituen: Cahier d'un retour au pays natal (1939, Jaioterrirako itzultze baten koadernoa); Cadastre (1961) poemak; eta La tragédie du roi Christophe (1964, Christophe erregearen tragedia), Une saison au Congo (1965, Egonaldi bat Kongoan) eta Une Tempête (Ekaitz bat) antzezlanak.
Politikari gisa, Cesaire Martinikako Alderdi Progresistako lehendakaria eta bertako parlamentuko lehendakaria izan zen. Martinikako autonomiaren alde egin zuen, independentziaren bideko lehen urrats gisa. 2001. urtean erretiratu zen politikatik.
Erreferentziak
 |
Wikimedia Commonsen badira fitxategi gehiago, gai hau dutenak: Aimé Césaire  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.