Ainhoa Garmendia

Ainhoa Garmendia
Bizitza
Jaiotzako izen-deiturak	Ainhoa Garmendia Insausti
Jaiotza	Legorreta, 1974ko urriaren 26a (49 urte)
Herrialdea	Gipuzkoa, Euskal Herria
Hezkuntza
Hizkuntzak	gaztelania
Jarduerak
Jarduerak	opera abeslaria
Parte-hartzailea Tabakalera
Ahots mota	sopranoa
Musika instrumentua	ahotsa
ainhoa-garmendia.com

Ainhoa Garmendia Insausti (Legorreta, Gipuzkoa, 1974ko urriaren 26a) euskal soprano eta opera abeslaria da.

Biografia

Kantuaren munduan sartu aurretik, akordeoi- eta piano-ikasketak egin zituen Donostiako Musika-Kontserbatorioan. Donostiako Orfeoiaren partaide izan eta gero, Madrilera joan zen, eta hango Goi-Mailako Kantu-Eskolan Manuel Cid irakaslearekin hobetu zituen kantu-ikasketak. 1977an, Elena Lazarska-rekin eskolak hartu zituen Vienako Musikako eta Arte Dramatikoko Unibertsitatean.

Don Pasqualeren Norina pertsonaia jokatuz debuta egin zuen 1995 urtean, eta, 1999. urteaz geroztik, bi urte eman zituen Marseillako Centre National d’Artistes Lyriques Opera-Eskolan bere errepertorioa prestatzen.

2001 urtean, Leipzigeko Operak kontratatu zuen, eta, besteak beste, honako pertsonaia hauek jokatu zituen: Sussana (Figaroren ezteiak), Marzelline (Fidelio), Änchen (Frankotiratzailea), Lisa (Lo-ibiltaria) eta Musetta (La Bohème). Bi urte beranduago, Marseillako Operan debuta egin zuen Il turco in Italiako Zaide papera antzeztuz.

2004 eta 2005 urteetan, beste hiru ekoizpenetan parte hartu zuen (Txirula magikoa, Fidelio eta Temistokle), eta, Lausanan (Suiza) eta Tolosan (Frantzia), Micaëla (Carmen) eta Aspasia (Temistokle) antzeztu zituen.

2005-2006 aldian, Ivan Fischeren gidaritzapean, Glyndebourneko Jaialdian eta Royal Albert Hallen debuta egin zuen Despina papera (Così fan tutte) jokatuz. Halaber, Marzelline (Fidelio) eta Lisa (Lo-ibiltaria) paperak antzeztu zituen hurrenez hurren Marseillako Operan eta Berlineko Operan.

Leipzigeko Operan zortzi urte egin ondoren, 2009. urteaz geroztik, bere kasa dabil operaren zirkuituan.

2014ea Opus Lirica sortu zuen Donostian eta aldi berean Donostiako opera denboraldia, non berak bai soprano eta bai zuzendari artistiko moduan lan egiten duen.

Kanpo estekak

• Ainhoa Garmendia sopranoaren webgunea (Ingelesez)
• Nerea Pikabeak egindako elkarrizketa, Administrazioa Euskaraz, 2017ko uztaila, 5-6 or.
• Ainhoa Garmendiari elkarrizketa: Operak egokitu egin du bere mezua Berria, 2022.07.05

• Datuak: Q11904523