Aintzane Ezenarro

Wikipedia(e)tik
Hona jo: nabigazioa, Bilatu
Aintzane Ezenarro
Aintzane Ezenarro
Aintzane Ezenarro 2009an.
Datu pertsonalak
Izen osoa Miren Aintzane Ezenarro Egurbide
Jaio 1971ko martxoaren 18a (43 urte)
Getaria (Gipuzkoa)

Aintzane Ezenarro Egurbide (Getaria, 1971-) VIII. eta IX. legegintzaldietako Aralarreko eusko legebiltzarkidea izandakoa da. 2012ko apirilaren 4an alderdiak kanpoan geratu zela adierazi zuen[1] eta uztailaren 31n legebiltzarkide kargua utzi zuen.

Horretaz gain, Elkarri gizarte mugimenduko Lantegi Nazionaleko kidea izan da 6 urtez eta taldeko aldizkariaren arduraduna lau urtez. 1999an hartu zuen politikan ibiltzeko erabakia, Lizarrako Akordioaren garai hartan ETAk orduko su-etena apurtu ondoren.

Soziologian eta kazetaritzan lizentziatu da.

Legebiltzarkidea[aldatu | aldatu iturburu kodea]

2005eko Euskadiko hauteskundeetan eserleku bakarra lortu zuen Aralarrek, Gipuzkoan lortua, eta berak bete izan zuen VIII. legealdi horretan. Juan Jose Ibarretxeren azken agintaldian, Eusko Jaurlaritza osatzen zuten hiru alderdien ekimenen alde agertu ohi zen.

2009koetan, aldiz, Aralarreko zerrendaburua izan zen Gipuzkoatik berriro, eta alderdiak 4 eserleku lortu zituen guztira IX. legealdirako.

PPk eta PSEk sustatutako Alderdien Legearen aurkako jarrera behin eta berriz agertu da, hots, Batasunaren parte hartze librearen alde. Halaber, Ezker Abertzalearen mugimendua berriztatzeko deitu izan du.

2011tik aurrera Aralarrek Ezker Abertzalea, Eusko Alkartasuna eta Alternatibarekin egindako bidearekiko kritiko azaldu zen eta 2012ko apirilaren 4an Mikel Basabe eta Oxel Erostarberekin batera alderditik kanpo geratzen zirela adierazi zion alderdiak[1]. Geroago, uztailaren 31n, hirurek legebiltzarkide karguak utzi zituzten.

Kazetaria[aldatu | aldatu iturburu kodea]

2001eko abenduan Joan B. Cendrós-en omenezko saria jaso zuen, Kataluniari buruz Herrialde Katalanetatik at idatzitako artikulu onenak aintzat hartzen dituena, Elkarriren aldizkarian argitaratutako "Catalunya por el diálogo" lanagatik.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]