Aizkorri

Aizkorri
Aratz borda, atzean Aizkorri duela
Garaiera	1.528 m
Koordenatuak	42°57′08″N 02°19′00″W
Mendilerroa	Aizkorriko mendilerroa
Ohiko bidea	Otsaurtetik, Arantzazutik eta Zegamatik
Aizkorri

Aizkorri Gipuzkoako mendia da, Arabako mugatik hurbil kokaturik, 1.528 metro garai dena.

Hala ere, ez da mendilerroko garaiena, Atxuri baita, 1.551 metrorekin. Bere haitzezko talaia batean kokatua duen baselizarengatik da ezagunagoa Aizkorri Atxuri baino. Baseliza horretan, gurutze bati otoitz egiten zaio. Alegiak dioenez, gurutze hori Zegamara edo Araiara eramaten bazen ere, beti atzera Azkorrin agertzen zen.

Deskribapena

Aizkorriko mendilerroaren mendia da Aizkorri, 2006. urtetik natura parke dena. Atxuri, Aketegi, Aitzabal, Arbelaitz eta Iraulerekin batera. Hegoaldeko isurialdean Urbiako landak ditu, 1.000 metroko altuerarekin. Harana, ekialdetik mendebaldera zabaltzen da, Arantzazutik Lizarratera. Urbiako landetan hainbat monumentu megalitiko aurki daitezke. Kareharrizko harkaitz, pago eta arantzen artean, Ardi latxen artaldeak ugariak dira. Artzainek bordetan hartzen dute aterpete.

Mitologia

Sakontzeko, irakurri: Aizkorri (mitologia)

Aizkorri mendilerroa euskal mitologiaren sinesmen eta elezahar askoren kokalekua da. Mariren beraren egoitza nagusienetarikoa da. Marik bi egoitza nagusi dauzka mendimultzoan. Gaiztozulo Oñati aldean eta Aketegi.

Ibaien sorlekua

Bertan jaiotzen dira iparralderantz doazen Oria, Urola eta Arantzazu ibaiak; baita Burunda eta Zadorra ere, hauek hego-ekialdera isurtzen dira.

Abiapuntuak

Bertara igotzeko biderik ohikoenak Otzaurtetik, Arantzazutik eta Zegamatik abiatzen dira. Arantzazutik abiatuta Urbiako bordara hel daiteke eta hortik tontorreraino iritsi. Araba aldetik, berriz, Zalduondo edo Araia ditugu abiapunturik ohikoenak.

Igarotze-denborak

• Arantzazutik (2h 30 m).
• Otzaurtetik (2h 45 m).
• Araiatik (3h 45 m).

Kirol probak

Maiatzaren amaieran Zegama-Aizkorri Mendi Maratoia egiten da, Munduko Koparako puntuagarri dena.

Mendi-aterpeak

• San Adriango mendi-aterpea

Leku interesgarriak

• Lizarrate
• Aizkorriko galtzada

Ikus, gainera

• Gipuzkoako mendiak
• Euskal Herriko natura parkeak
• Askorri

Kanpo loturak

• (Gaztelaniaz) Aizkorri "Mendikat" webgunean
• (Euskaraz) Zegama-Aizkorri Mendi Maratoia