Ajima Naonobu
Ajima Naonobu, Ajima Chokuyen gisa ere ezaguna (Tokio, Japonia, 1732 - Shiba, Japonia, 1798), japoniar matematikaria izan zen.
Biografia
Masatadaren zuzendaritzapean ikasi zuen Nakanishi Eskolan. Gero, matematika eta astronomia ikasi zituen Seki Eskolan, Yamajiren laguntzaz.
Fukyu sampo liburua idatzi zuen, bere bizitzan zehar ezer argitaratu ez bazuen ere. Ajimak geometria landu zuen, batez ere: integral bikoitzen bidez bolumenak kalkulatzeko metodo bat asmatu zuen, eta logaritmo-taulak osatu zituen.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.