Alain Tanner
_by_Erling_Mandelmann.jpg)
Suitzar zinemagilea (Geneva, 1929). Ekonomia-ikasketak egin ondoren, Britainia Handira joan zen zineman lan egitera. Zuzendari-laguntzaile gisa lan egin zuen Frantzian eta Suitzan. Suitzako zinemagileen elkartea sortu zuen eta telebistako saio asko egin zituen. 1968an, Charles mort ou vif filma egin zuen, eta lehen saria eman zioten Locarnoko zinemaldian. Film hura suitzar zinema berriaren abiapuntutzat hartu izan da. Beste film aipagarri batzuk: La salamandre (1971), Retour d´Afrique (1973), Le milieu du monde (1974), Jonas qui aura 25 ans en l´an 2000 (1976) Messidor (1978), Dans la ville blanche (1983), Une flamme dans mon coeur (1986), La Vallée fantôme (1987), La femme de Rose Hill (1989), L'homme qui a perdu son ombre (1991), Le journal de Lady M (1993), Les hommes du port (1995), Requiem (1998), Jonas et Lila, à demain (1999), Fleurs de sang (2002), Paul s'en va (2004).
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
