Alanbre

Wikipedia, Entziklopedia askea
Txarrantxa
Kobrezko alanbre sorta edo kablea.

Alanbrea edo burdin haria metalez osatutako hari mehea da, metalen harikortasunari esker haiek luzatuz fabrika daitekeena. Alanbreak sortzeko erabiltzen diren metal nagusiak burdina, kobrea, letoia, zilarra eta aluminioa dira, besteak beste.

Ezaugarriak

Alanbreak mota askotakoak dira, emango zaien aplikazioaren araberakoak. Alanbrearen diametroa ere aldakorra da, eta ezin da zehatz esan non amaitzen den alanbrea eta non hasten den hagatxoa edo barra. Alanbrearen ezaugarri nagusia da biribilkiak edo bobinak sortuz bil daitekeela.

Kobrezko alanbrea hari elektrikoak fabrikatzeko erabiltzen da gehien bat. Altzairuzko alanbre arruntak galbanizatu egiten dira oxidaziotik eta korrosiotik babesteko. Tenplaketa bidez gogortutako alanbrea ere existitzen da.

Motak eta aplikazioak

Alanbrearen aplikazio nagusienen artean hurrengoak aipa daitezke:

Trakziorako malgukiak
Babeserako alanbre-hesiak
  • Malgukiak
  • Lursailak eta eraikinak zedarritzeko txarrantxak
  • Trakzioa jasaten duten elementuak (igogailuak, garabiak) lotzeko altzairuzko hari lodiak
  • Alanbre korrugatuak, eraikuntzako forjatuak eraikitzeko
  • Alanbre kromatu edo galbanizatuak, aire zabaleko aplikazioetarako
  • Tamaina handiko bobinak sortzeko erabiltzen den alanbre berezi lubrifikatua
  • Karbono-kantitate handiz gogortutako alanbrea
  • Altzairu herdoilgaitzezko alanbrea aplikazio berezietarako
Wikimedia Commonsen badira fitxategi gehiago, gai hau dutenak: Alanbre Aldatu lotura Wikidatan
Zirriborro Artikulu hau zirriborroa da. Wikipedia lagun dezakezu edukia osatuz.