Alano

Alanoen eta bandaloen migrazioak IV. eta V. mendeetan. Gorriz, espedizioak; horiz, kokalekuak.

Alanoa Kaspiar itsasoaren inguruetan finkaturik zegoen talde etniko iranikoa izan zen.

Artzain nomadak ziren, oso borrokazaleak. Partiarren eta erromatarren aurka aritu ondoan, hunoen inbasioa pairatu behar izan zuten IV. mendearen bukaeran. Beren lurraldeetatik egotzirik, Galia inbaditu (406) eta batzuk, sueboekin eta bandaloekin batera, Iberiar penintsulako lurretara igaro ziren, baina Walia errege bisigodoaren armadak suntsitu zituen. Bizirik iraun zutenek Afrika iparraldera jo zuten. Galian geratu zirenek, bestalde, herri gisa mende bat gehiago baizik ez zuten iraun.