Alberto V.a Bavariakoa
Alberto V.a Wittelsbachekoa, Zintzoa (alemanieraz, der Grossmutige)(Munich, 1528ko otsailaren 29a - Munich, 1579ko urriaren 24a) Bavariako dukea izan zen 1550etik bere heriotzaraino.
Biografia
Alberto V.a Wittelsbachekoa Munichen jaio zen 1528ko otsailaren 29an. Gurasoak Gilen IV.a eta Maria Baden-Sponheimekoa izan ziren eta amaren aldeko aitona-amonak, berriz, Filipe Baden-Sponheimekoa eta Elisabet Palatinadokoa.
Alberto Ingolstadten hezi zuten eta irakasle katolikoak izan zituen.
1547an, Ana Habsburgo-Jagellonekoarekin ezkondu zen, Fernando I.a Habsburgokoa eta Ana Bohemia eta Hungariakoaren alabatako bat.
Alberto kontraerreformaren lider bilakatu zen eta, Wittelsbach etxea eta katolizismoa bat eginak ikusiz, errepresioa ere erabili zuen.
Politikan, ez zuen erabaki asko hartu, bere aholkulariei utzi baitzien lan hori. Georg Stockhammer eta Wiguleus Hundt izan ziren esanguratsuenak, azken hau, batez ere, Passauko ituna edo Augsburgoko bakea bideratu zituena, alegia.
Bere semea zen Ernesto Bavariakoa Koloniako artzapezpiku egiten ahalegindu zen, baina ez zuen emaitza ikusi, azkar hil baitzen -bi mendez izango zuen kargua familiak-. Alberto Munich Frauenkirchen dago ehortzita.
Artean zaletua, bilduma ugari egin zituen eta Municheko Gortearen liburutegia ere bai, XVI. mendeko bavariar kultur zentru garrantzitsuena izango zen gunea.
Seme-alabak
Ana Habsburgo-Jagellónekoarekin helduarora iritsi ziren 5 seme-alaba eduki zituen:
- Gillermo (1548-1626)
- Fernando (1550–1608)
- Maria Ana (1551-1608), Karlos II.a Estiriakoarekin eskondua
- Maximiliana María (1552–1614)
- Ernesto (1554-1612)
Familia
| Aitona Alberto IV.a Bavariakoa |
Amona Kunigunda Austriakoa |
Aitona Filipe Baden-Sponheimekoa |
Amona Elisabet Palatinadokoa |
| Aita Gilem IV.a Bavariakoa |
Ama Maria Baden-Sponheimekoa | ||
| Alberto V.a Bavariakoa | |||
Oinordekotza
| Aurrekoa Gilem IV.a Bavariakoa |
Bavariako dukea 1550-1579 |
Ondorengoa Gilem V.a Bavariakoa |
 |
Wikimedia Commonsen badira fitxategi gehiago, gai hau dutenak: Alberto V.a Bavariakoa  |