Alejandro Alumbreros

Alejandro Alumbreros (Bilbo, Bizkaia, 1973) musikagilea da. Piano ikasketak egin ondoren irakasle titulua lortu zuen. Ganbera musika irakasteko titulua ere eskuratu zuen, eta hainbat ikastaro eta mintegitan parte hartu du. Kontzerturik gehienak Bizkaian eskaini baditu ere, Estatu Batuetako Pittsburghen ere aritu izan da lanean, bertako Savoyards Orchestrarekin. Algortako Biotz Alai Abesbatza eta Bilboko Opera Abesbatza pianoaz eta organoaz lagundu izan ditu.

Erreferentziak[aldatu | aldatu iturburu kodea]

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.