Alejandro Amenabar
| Datu pertsonalak | ||
|---|---|---|
| Izen osoa | Alejandro Fernando Amenabar Cantos | |
| Jaio | 1972ko martxoaren 31a (40 urte) |
|
 Santiago (Txile) |
||
| Lan nabarmenenak | Tesis Abre los ojos Los Otros Mar Adentro Agora |
|
| Webgunea | www.amenabar.com | |
| IMDB | IMDBko fitxa | |
Alejandro Fernando Amenabar Cantos —ezagunagoa Alejandro Amenabar izen-deiturez— (1972ko martxoaren 31a, Santiago, Txile) espainiar zuzendaria, gidoigilea eta konposatzailea da.
[aldatu] Bizitza
Bere familiak Madrila alde egin zuen Pinochetek estatu kolpea eman baino lehenxeago. Irudi eta soinu ikasketak hasi zituen Informazio Zientzietako Fakultatean, baina zinemaren munduan sartu zen buru-belarri eta ez zituen ikasketa haiek amaitu. La cabeza (1991) filmak Zinemagile Amateurren Elkarte Independentearen saria jaso zuen; gero Himenóptero (1992) film ertainarekin Elxeko eta Carabanchelgo jaialdietako sariak irabazi zituen. 1994an Antes del beso eta Soñé que te mataba filmetan esku hartu zuen, eta Luna idatzi eta zuzendu zuen. Azken film horrek Luis García Berlanga saria jaso zuen. Tesis izan zen bere lehendabiziko film luzea, snuff moviesen gaia erabiltzen duen suspenseko filma; arrakasta handia izan zuen eta Zinemako Goya sarietako 7 estatua irabazi zituen. Abre los ojos bere hurrengo filma ere suspensekoa izan zen, baina aurrekoak baino kutsu psikologiko handiagoa du.
[aldatu] Kanpo loturak
- Alejandro Amenabarren webgune ofiziala (Gaztelaniaz)
- Alejandro Amenabarren IMDBko fitxa (Ingelesez)
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
