Alejandro Tapia Aiestaran
- Artikulu hau pinteoreari buruzkoa da; beste esanahietarako, ikus «Alejandro Tapia».
| Alejandro Tapia Aiestaran | |
|---|---|
| Bizitza | |
| Jaiotza | Usurbil, 1930eko azaroaren 26a |
| Herrialdea |  Gipuzkoa, Euskal Herria |
| Heriotza | Usurbil, 2016ko abenduaren 24a (86 urte) |
| Jarduerak | |
| Jarduerak | margolaria |
| Mugimendua | kubismoa espresionismoa |
Alejandro Tapia Aiestaran (Aginaga, Usurbil, 1930eko azaroaren 26a - 2016ko abenduaren 24a) gipuzkoar pintorea izan zen. La calle, La ventana eta Silla de tijera dira lan nagusiak.
Bizitza[aldatu | aldatu iturburu kodea]
Donostiako irudigintza-lantegi batean egin zituen lehen urratsak, eta Madrilgo Arte Ederretako Akademia Librean ikasi zuen ondoren. 1959. urtean itzuli zen Donostiara, eta 1962. urtean jaso zuen lehen saria. Harrezkero irudigintza alde batera utzi eta pintatzeari ekin zion.
Euskal Eskolako Ur taldea sortu zuen 1965. urtean, Javier Arozena, Karlos Bizkarrondo eta Jose Grazenea pintoreekin batera. Kubismoaren kutsua duen pintura errealista margotzeari eman zion 1960ko hamarkadan, eta 1970eko urteetan espresionismorantz bideratu zen.
Erakusketa asko egin zituen bakarka eta taldean. 1981ean, erakusketa antologikoa egin zuen Donostiako San Telmo Museoan eta Alga aretoan. Herri Batasuna alderdiari buruzko mural ezagun bat ere egin zuen 1985ean, Herri Batasuna izena eman ziona. Azken urteetan paisaia landu zuen batez ere, eta eskulturara ere itzuli zuen.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Kanpo estekak[aldatu | aldatu iturburu kodea]
| Autoritate kontrola |
|
|---|
Datuak: Q12253152