Aleksandr Kovalevski
Wikipedia(e)tik
Aleksandr Kovalevski (Dvinsk, 1840 - San Petersburgo, 1901) errusiar biologoa eta enbriologoa zen. Kazan, Kiev eta Odesako unibertsitateetako irakaslea eta Sebastopoleko zoologia-azterketa saileko zuzendaria izan zen. Garrantzi handiko lanak egin zituen prokordatuen, zelenteratuen, harren eta holoturoideoen inguruan, kordatuen sailkapena zehazteko bidea eman zutenak. Hilabeteak eman zituen, bestalde, Itsaso Gorriko eta Mediterraneoko itsasertzeko animaliak aztertzen. Obra nagusiak: Development of Amphioxus lanceolatus (1865, Anfibio lantzeolatuen garapena) eta Anatomy and Development of Phoronis (1887, Foronidoen garapena eta anatomia). Annales du musée d´histoire naturelle de Marseille argitalpenaren sortzaileetako bat izan zen.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/30 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
