Alessandro Magnasco
Wikipedia(e)tik
Alessandro Magnasco, izengoitiz Il Lissandrino (Genova, 1667 - ?, 1749), italiar margolaria izan zen.
[aldatu] Biografia
Alessandro Magnascoren lanak Salvatore Rosaren estiloaren jarraipena diren arren, Calloten eragina ere badute. Margotu zituen koadroetako gaiak ilunak, guztiz melodramatikoak eta nahiko gogorrak izaten dira: ijitoak, gudariak, fraideak, paisaia beldurgarrietan eta eraikuntzen hondakinetan. Barroko-rokoko estiloa du.
XIX. mendean ia ahazturik egon zen, baina XX. mendearen lehen laurdenean berriro piztu zen haren margolaritzarako zaletasuna.
Lan azpimarragarriak: Azoka hiri bateko plazan, Politxinela gitarrarekin, San Erasmoren Martirioa, Kristoren Bataioa, eta abar.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
