Alexander Rodchenko

Rodchengo eta bere emaztea, 1920an.

Alexander Rodchenko (errusieraz Алекса́ндр Миха́йлович Ро́дченко) Errusiar pintorea, eskultorea eta dekoratzailea (San Petersburgo, 1891 - 1957). Konstruktibismoaren jarraitzaile garrantzitsuena izan zen. Moskuko 1916. urteko erakusketan parte hartu zuen, eta konpasaz eta erregelaz egindako obra abstraktuak aurkeztu zituen. Beltza beltzaren gainean ehunetan eginiko saila erakutsi zuen 1918an Malevitxen Zuri gainean zuri sailari erantzun nahiz. Artista eta ingeniarien arteko batasunaren aldeko agertu zen. Publizitatean eta diseinuan egin zuen lan 1922. urtetik aurrera eta argazkigintzaz baliatu zen 1930. urteaz geroztik.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.