Algonkin

Wikipedia(e)tik
Hona jo: nabigazioa, Bilatu

Algonkinak Ipar Amerikako amerindiar herriez osatutako talde edo multzo bat da. Amerindiar hizkuntzak mintzatzen dituzte. Kanada, Estatu Batuak eta Mexiko iparraldeko Coahuila estatuan bizi dira. Hizkuntza zein kulturaz elkarren artean harreman estua dute. Gaur egun denera 11.000 lagun inguru dira.

Europarrak joan aurretik Mississippitik ekialderako lurralde gehiena hartzen zuten, Virginiatik Hudsoneko badia eta Kanada hegoaldeko zabaldietaraino eta AEB erdialdeko Rocky Mountains mendietaraino. Anglo-saxoiek topatutako lehen indiarrak izan ziren, eta horren ondorioz kostaldeko tribuak ia erabat desagertu ziren. Azterketa asko egin dira algonkindarrei buruz, eta horretaz ondo ezagutzen da XVII. mendetik aurrerako kultura eta historia. Iparraldeko oihanetan bizi zirenak arrantzaleak eta ehiztariak ziren; zabaldietakoak, nomadak gehienak, bisontea ehizatzen zuten; hegoaldekoak nekazaritzan aritzen ziren. Garaiak dira, sendoak, mesozefaloak. Izpiritu Handia gurtzen dute eta poligamoak dira.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Algonkin Aldatu lotura Wikidatan