Alien Nation
Alien nation (euskaraz Alien nazioa) 1988ko Graham Baker estatubatuar zinema zuzendariaren zientzia-fikziozko filma bat da. James Caan, Mandy Patinkin eta Terence Stamp aktoreek antzeztu zuten.
Filmak izandako arrakastari esker izenburuko Alien nation (1989-1990) telesaila estreinatu zen, bai eta komikiak eta eleberri bat ere. Hainbat jarraipen ere izan ditu: Alien Nation: Dark Horizon (1994), Alien Nation: Body and Soul (1995), Alien Nation: Millennium (1996), Alien Nation: The Enemy Within (1996) eta Alien Nation: The Udara Legacy (ez zen filmatzetik amaitu).
Argumentua
Etorkizun hurbil batean, estralurtarrez beteriko espaziontzi bat, berez beste estralurtar arraza baten esklabo izandako askatua, Lurrera iritsi eta 300.000 bisitariak gizakien artean integratu eta haien jarduera, lanbide eta bizimodu berberak bizitzen hasiko dira. Los Angeles hirian estralurtarreek lankidea (Roger Aaron Brown) erail zioten poliziako detektibe gizaki batek (James Caan) lankide berri gisa estralurtar bat (Mandy Patinkin) izango du, hain zuzen ere, hiri hartan polizia izatea lortu duen lehenbiziko estralurtarra. Hasiera batean detektibeak estralurtarrekin izandako eskermentu txarra dela eta bere lankide berria ez du oso gogoko izango, nahiz eta estralurtar poliziak detektibe gizakiarekin ongi eramateko ahalagin guztiak egin.
Aktoreak
- James Caan: Matthew Sykes detektibea
- Mandy Patinkin: Samuel 'George' Francisco detektibea
- Terence Stamp: William Harcourt
- Kevyn Major Howard: Rudyard Kipling
- Leslie Bevis: Cassandra
- Peter Jason: Fedorchuk
- Conrad Dunn: Quint
- Jeff Kober: Joshua Strader
- Roger Aaron Brown: Bill Tuggle detektibea
- Tony Simotes: Wiltey
- Michael David Simms: gizaki droga-saltzailea
- Ed Krieger: estralurtar droga-saltzailea
- Tony Perez: Alterez
- Brian Thompson: Trent Porter
- Francis X. McCarthy: Warner kapitaina
Kanpo loturak
- Alien Nation filmaren IMDBko fitxa irakurgai (Ingelesez)