Aliens
Aliens 1986ko James Cameron kanadar zinema zuzendariak zuzendutako zientzia-fikziozko eta beldurrezko filma bat da. Sigourney Weaver, Michael Biehn, Lance Henriksen, Carrie Henn, Bill Paxton eta Paul Reiser aktoreek antzeztu zuten.
1979ko Alien film ospetsuaren jarraipena da. Ondoren beste hainbat jarraipen izan ditu: Alien 3 (1992), Alien Resurrection (1997), Alien vs. Predator (2004), Aliens vs. Predator: Requiem (2007), Prometheus (2012) eta Prometheus 2 (2016).
Zazpi Oscar Sarietarako izendapenak jaso zituen, bi irabaziz: Soinu edizio onenaren Oscar Saria (Don Sharpe) eta Efektu berezi onenen Oscar Saria (Robert Skotak, Stan Winston, John Richardson eta Suzanne Benson).
Argumentua
Alien izaki perfektua da, bere nagusitasun fisikoa oldarkortasunaren pare duen makina hiltzailea. Iraganean, Ripley ofiziala (Sigourney Weaver) eta “Nostromo” espaziontziko eskifaia izaki izugarri honi aurre egin beharrean topatu zen. Baina sarraski horretan Ripleyk bakarrik bizirautea lortu zuen. Espazioan zehar 57 urtez lozorroan bidaiatu ondoren, Ripley erreskatatua izango da. Denbora horretan zehar, Alienen planeta kolonizatua izan da. Baina, bapatean, koloniarekin harremana eten egin denez, zer jazo den jakiteko asmoz, Lurretik Ripley buru duten espazio marine taldea bidalia izango da. Bertan, milaka izaki beldurgarri zain izango dituzte. Alien birsortu egin da eta oraingoan borroka Gizateriaren biziraupenaren aldekoa da. duen
Aktoreak
- Sigourney Weaver: Ellen Ripley
- Carrie Henn: Rebecca 'Newt' Jorden
- Michael Biehn: Dwayne Hicks kaporala
- Lance Henriksen: Bishop
- Paul Reiser: Carter Burke
- Bill Paxton: Hudson soldadu soila
- William Hope: Gorman tenientea
- Jenette Goldstein: Vasquezvsoldadu soila
- Al Matthews: Apone sarjentua
- Mark Rolston: Drake soldadu soila
- Ricco Ross: Frost soldadu soila
Kanpo lotura
- Aliens filmaren IMDBko fitxa irakurgai (Ingelesez)