Alois Alzheimer

Aloysius "Alois" Alzheimer (Marktbreit, Baviera, Alemania, 1864ko ekainaren 14a - Breslavia, Alemania -gaur egungo Wrocław, Polonia-, 1915eko abenduaren 19a) Alzheimerren gaixotasunaren sintomak lehenengoz identifikatu zituen psikiatra eta neurologo alemaniarra. 1901ean izan zuen paziente batengan erreparatu zituen, eta 1906an, pazientea hil ondoren, bere burmuinean egindako aurkikuntzak argitaratu zituen.

Alzheimer Tübingen, Berlin eta Würzburgeko unibertsitateetan ikasi zuen, eta Medikuntzan lizentziatu zen 1887an. Hurrengo urtean, Frankfurteko erietxe batean lanean aritu zen, eta bertan ezagutu zuen Franz Nissl (1860-1919). Alzheimerren lan ugari Nisslen metodologian oinarritzen dira.

Zeitschrift für die gesamte Neurologie und Psychiatrie aldizkariaren sortzaileetako bat izan zen.

1915eko abenduan, Alzheimer gaixotu zen Vratislaviara bidaiatzen. 51 urte zituela hil zen.

Argitalpen batzuk

Alzheimer, Alois. "Über eine eigenartige Erkrankung der Hirnrinde" Allg. Zschr. Psychiat. 64. (146-148), Georg Reimer, Berlin 1907
Alzheimer, Alois. "Der Krieg und die Nerven". Preuß & Jünger, Breslau 1915