Alonso Covarrubias

Alonso Covarrubias espainiar arkitekto eta dekoratzailea izan zen(Torrijos, 1488 - Toledo, 1570). Covarrubiasen lehen obrak plateresko estilokoak diren arren (Toledoko San Klemente monasterioa, estilo platereskoan eginiko obra handienetako bat, 1534), Italiako Errenazimentuko ereduari jarraitu zion ondoko lanetan (Alcalá de Henaresko artzapezpikuaren jauregia). 1537. urtetik aurrera Karlos V.a enperadorearen zerbitzuan egon zen, eta Toledon jardun zuen batez ere (Toledoko Alkazarreko aurrealde nagusia; Gurutze Santua eta San Joan Bataiatzailea ospitaleak; Trastamarakoen kapera katedralean). Karlos I.aren garaiko arkitektorik garrantzitsuena izan zen.