America Vera-Zavala

America Vera-Zavala (Errumanian, 1976ko urtarrilaren 16an) txiletar eta perutar jatorriko suediar politikari eta idazle politikoa da. Suediako Alderdi Ezkertiarreko kidea da. Justizia globalaren aldeko mugimenduko ekintzaile sutsua da. 2001ean Suediako ATTAC atalaren sortzailetako bat izan zen.

Errumanian jaioa, America Luis R. Vera txiletar film-zuzendariaren eta María Rosario Zavala perutarraren alaba da. Gaztetan Suediara joan zen bizitzera eta Stockholmeko Åkersberga aldirian hazi zen. 1993an Ezker Gazteko kide egin zen, Alderdi Ezkertiarraren gazte erakundekoa. Bruselan bizi izan zen 4 urtez, non Alderdi Ezkertiarreko laguntzaile izan zen Europar Parlamentuan.

Americak hainbat lan argitaratu ditu demokrazia parte-hartzailearen eta globalizazioaren inguruan.

Bibliografia

(2001) Global rättvisa är möjlig ("Justizia Globala Posible Da") / egilekidea: Johan Norberg, Skarpnäck: Pocky/Tranan, ISBN 91-88420-86-8.
(2003) Deltagande demokrati ("Demokrazia Parte Hartzailea"), Stockholm: Agora, ISBN 91-89483-27-8.
(2006) Ett annat Sverige är möjligt ("Beste Suedia Bat Posible Da") / egilekidea: Johan Norberg, Stockholm: Pocky, ISBN 91-85011-31-2