American Psychiatric Association

Wikipedia(e)tik
Hona jo: nabigazioa, Bilatu

American Psychiatric Association edo APA Ameriketako Estatu Batuetako psikiatra profesionalen erakunde nagusia da. Ia 150.000 partaide ditu, 75 zonalde erakundetan antolatuta, eta haien publikazioek zein iritziek mundu osoan eragina dute. Haien publikazioen artean garrantzi berezia du Buru asalduren diagnosi eta estatistika eskuliburua (Diagnostic and Statistical Manual of Mental Disorders) delakoak, hor baitaude azalduta buru asaldura guztiak, era antolatuan. DSM siglekin ezaguna, arlo horretako oinarrizko liburutzat dago onartuta.

Erakunde hau Filadelfian 1844an sortu zen beste izen batekin, Association of Medical Superintendents of American Institutions for the Insane (AMSAII), 1921tik American Psychiatric Association. Sortzaileak hamairu ospital psikiatrikoen zuzendariak izan ziren, tartean Thomas Kirkbride, Estatu Batuetako instituzio psikiatrikoen ereduaren sortzailea. 1948an APA barruan sailkapen psikiatriko baten beharra planteatu zen eta 1952an lehenengo DSM sortu zen. Bigarrena, DSM-II, 1968an argitaratu zen. 1980an DSM-III argitaratu zen eta zazpi urte geroago lan horren errebisioa, DSM-III-R. Gaur egungo bertsioa DSM-IV da, 1994koa; haren bertsio berriarena 2000. urtekoa da, DSM-IV-TR. Une honetan DSM-V liburua prestatzen ari dira. Edizio guztiak oso polemikoak izan dira beti.

Gaur egungo erakundearen lehendakaria Pedro Ruiz da.

Partaide ezagunak[aldatu | aldatu iturburu kodea]

Kanpo loturak[aldatu | aldatu iturburu kodea]