Ameriketako Estatuen Erakundea

Amerikako Estatuen Erakundea 1948ko apirilean Bogotan sorturiko erakundea, Ameriketako hogeita hamabost estatuk osatua. NBEren printzipio orokorrak ditu oinarri; bakeari eustea eta Ameriketako herrialdeen arteko ekonomia-, gizarte- eta kultura-alorretako elkarlana bultzatzea eta demokrazia babestea dira AEEren helburu nagusiak. Estatu Batuek eragin handia dute AEEn, eta, haien eraginez, komunisten kontra agertu zen erakundea; hori dela eta, Kuba AEEtik kanpora gelditu zen 1962an. 2009an, ordea, indarge geratu zen erabaki hori, eta, harrez geroztik, Kuba AEEeko kide da.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.