Anboto (mendia)

Artikulu hau Bizkaiko mendiari buruzkoa da; beste esanahietarako, ikus Anboto.

Anboto
Anbotoko mendilerroa Orisolgo gailurretik ikusita
Garaiera	1.331 m
Koordenatuak	43°05′20″N 02°35′42″W
Mendilerroa	Euskal mendiak
Ohiko bidea	Urkiolatik
Anboto (mendia)
Kanpo loturak	Mendikat

Anboto mendia izen bereko mendilerroa menderatzen duen tontorra da. Bizkaiko laugarren mendirik garaiena da, 1.331 m baititu, Gorbeia (1.481 m), Aldamin (1.376 m) eta Zalamaren (1.336 m) atzetik.

Araba eta Gipuzkoako mugak oso gertu ditu, hiru herrialdeen arteko lurraldean egonda, Durangaldeko eskualdean kokaturik.

Elezaharrak

Sakontzeko, irakurri: Anboto (mitologia)

Euskal sinesmen zaharren arabera, Mari jainkosa gorenaren egoitzetako bat da. Horregatik, jainkosak Anbotoko Dama edo Anbotoko Señorie izena hartzen du. Gailurra hodei artean duenean, Mari bertan dagoela esaten da. Arrasate aldean, oskorri denean ere gauza bera esaten da.

Abiapuntuak

Elurtuta, Durangotik ikusia, "Mari bertan dagoela"

Tontorrera heltzeko lau bide daude. Dena den, gune batzuk arriskugarriak izan litezke Anbotoko gailurreriak daukan erliebe malkartsua dela eta. Anboto mendiaren aurpegi guztiak harritsuak dira eta mendiaren itxura handientsua ikusgarri da Durangaldeko toki askotatik.

• Urkiolako mendatetik (2 ordu)
• Arrazolatik (2 ord. 15 min, I. aldetik; 3 ordu Zabalaunditik)
• Aramaiotik (3 ordu)
• Atxartetik (4 ordu gandorratik, 2 ordu 30 min Asuntzetik)

Ikus, gainera

• Bizkaiko mendien zerrenda
• Urkiolako natura parkea

Bibliografia

• Euskalerriko Mendiak, (Miguel Angulo). ELKAR Argitaletxea.

Kanpo loturak

• (Gaztelaniaz) Anboto "Mendikat" webgunean