Andreas Prokop

Andreas Prokop.

Andreas Prokop edo Prokop Handia, txekieraz Prokop Veliký (~1380 - Lipany, Lipany, Txekia, 1434ko maiatzaren 30a) buruzagi husita izan zen.

Biografia

Husiten matxinada gertatu zenean, Jan Žižkaren ondoan jarri zen, eta taboriten buruzagi bihurtu zen 1424an. Hungaria, Silesia, Lusazia, Misnia, Saxonia eta Frankoniaren aurkako espedizioen gidari izan zen, baina husita moderatuen, Pragako biztanleen eta aitoren semeen laguntza galdu zuen. Haien aurka borrokatu nahi izan zuen Prokop Handiak, baina gerra galdu eta Lipanyn hil zen borrokan.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.