Ange-Jacques Gabriel

Gabriel, Jean-Baptiste Greuzek egindako erretratua

Ange-Jacques Gabriel (Paris, Frantzia, 1698 - Paris, Frantzia, 1782) frantses arkitektoa eta dekoratzailea izan zen.

Biografia

Jacques bere aitarekin lan egin zuen, eta ondoren aitaren lekua hartu zuen erregearen lehen arkitekto eta Arkitekturako Akademiako lehendakari gisa.

Erregearen egoitza batzuk eraberritu zituen; Fontainebleau, Compiègne, Choisy eta Bloisekoak eraberritu eta Versaillesko hegaletako bat hasi zuen. Parisko Opera (1753) eta Petit Trianon (1762-1768) eraiki zituen. Parisen, Luis XIV.aren Plaza (gaur Concorde plaza) eraiki zuen, eta baita haren inguruko bi eraikuntza ere (1762-1770). Eskola Militarra ere berak egin zuen (1751-1775).

Frantziako arkitektura klasikoaren ezaugarriak agertu zituen bere lanetan.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.