Anni-Frid Lyngstad

Anni-Frid Lyngstad
Irudi gehiago
Bizitza
Jaiotzako izen-deiturak	Anni-Frid Synni Lyngstad
Jaiotza	Ballangen, 1945eko azaroaren 15a (78 urte)
Herrialdea	Suedia
Bizilekua	Zermatt
Familia
Aita	Alfred Haase
Ama	Synni Lyngstad
Ezkontidea(k)	Ragnar Fredriksson (en)  (1963ko apirilaren 3a -  1970eko maiatzaren 19a) Benny Andersson  (1978ko urriaren 6a -  1981eko azaroa) Prince Heinrich Ruzzo Reuss of Plauen (en)  (1992ko abuztuaren 26a -  1999ko urriaren 29a)
Bikotekidea(k)	ikusi Henry Smith, 5th Viscount Hambleden (en)
Seme-alabak	ikusi Hans Ragnar Fredriksson (en) Ann Lise-Lotte Fredriksson Casper (en)
Leinua	House of Reuss (en)
Hezkuntza
Hizkuntzak	suediera
Jarduerak
Jarduerak	schlager singer (en) , estudioko musikaria, pop singer (en) , disco singer (en) eta dansband singer (en)
Parte-hartzailea Lebensborn
Jasotako sariak	ikusi Commander 1st class of the Order of Vasa  (2024ko martxoaren 21a)
Kidetza	ABBA
Genero artistikoa	jazza pop rock countrya dansband music (en) europopa Disco musika Schlagerra
Ahots mota	mezzosopranoa
Musika instrumentua	pianoa ahotsa
Diskoetxea	EMI His Master's Voice

Anni-Frid Synni, Reuss von Plauen printzesa (jaiotza izena: Anni-Frid Synni Lyngstad; Ballangen, Norvegia, 1945eko azaroaren 15a), profesionalki Frida Lygstad edo Frida izenarekin ezaguna, suediar pop eta jazz abeslaria da. Norvegian jaioa, ama norvegiar eta aita alemaniarraren alaba, Suedian hazi zen eta ABBA pop taldearekin lortu zuen nazioarteko sona. ABBArekin 380 milioi diska saldu zituen, musikaren historiako salmenta onenen artean kokatuz. ABBAren hausturaren ostean bakarlari gisa jarraitu zuen bere karrera.

Biografia

11 urterekin egin zuen bere lehenengo debuta Gurutze Gorrian. Bi urte geroago abeslari gisa hasi zen dantza talde batean, eta hamarkada batean hainbat talderekin lanean aritu zen. Bere lehenengo lana 13 urterekin lortu zuen, jazz abeslari bezala. Beranduago, bere taldea sortu zuen eta 1962an Ragnar Fredriksson konposatzailearekin ezkondu zen, 18 urte zituela. Berarekin bi seme-alaba eduki zituen: Hans (1963an jaiotakoa) eta Ann Lisse-Lotte (1967an).

Pixkanaka herrialde osoan ezaguna izaten hasi zen, eta Estokolmora joan zen bizitzera, gala eta atzerrira egin behar izaten zituen bidaiengatik, hala nola, Japoniara edo Venezuelara.

Disneyren disko batean parte hartu zuen, bertan “Txistuka lanera”, Edurnezuri eta zazpi ipotxak ipuinaren abestia interpretatzen zuelarik. 1967ko irailaren 3an, Anni-Fridek talentu lehiaketa bat irabazi zuen eta kontratu bat lortu zuen EMI-rekin, bere lehen abestiak kaleratzeko. Bere lehen albuma 1971n atera zuen, Benny Andersonek ekoiztuta. 1972an Benny Andersson, Björn Ulvaeus eta Agnetha Fältskogekin ABBA taldea osatu zen. 1975ean bakarkako album bat ere atera zuen, “Frida bakarrik” izenekoa. Benny Andersonekin ezkondu zen 1978ko urriaren 6an, baina hiru urte geroago dibortziatu ziren eta ABBA urtebete geroago banandu zen. Hurrengo urteetan ingelesez hainbat disko kaleratu zituen.

1991n Fridaren alaba, Ann Lisse-Lotte, auto istripu batean hil zen Estatu Batuetan, bere bizilekuan.

1992an Heinrich Ruzzo Reuss von Plauen printzearekin ezkondu zen, baina hau 1999an hil zen, minbizi linfatiko baten ondorioz.

90 hamarkada hasieran, bere egiteko nagusia ingurumen arazoak konpontzea zen arren, 1996an beste album bat kaleratu zuen, “Aieneak” izenekoa. Gaur egun, Reuss von Plauen printzesa Suitzan bizi da, eta karitatezko obrak egiten ditu. Mamma Mia! musikalaren estreinaldi eta sarietan ikusi izan da ABBA-ko Björn Ulvaeus kidearekin.

Wikimedia Commonsen badira fitxategi gehiago, gai hau dutenak: Anni-Frid Lyngstad

• Datuak: Q201908
• Multimedia: Anni-Frid Lyngstad / Q201908