Antizikloi
Eguraldia |
---|
Antizikloia edo goi presioko gunea inguruko presio atmosferikoa baino handiagoa duen gunea da.
Antizikloiaren airea ingurukoa baino finkoagoa denez, haizea atmosferako behe geruzetara jaisten da subsidentzia izeneko fenomenoa sortuz. Horrexegatik, antizikloiek eguraldi egonkor eta prezipitazio gabekoa sortu ohi dute, nahiz eta hodeiak sortzen ahal dituen (udako ekaitzak, adibidez, antizikloiek eraginak dira). Hain zuzen ere, goi presioko gunea denez, aire beroa erakarriko du hau atmosferan gora joango delarik. Honek normalean zeru oskarbia ekartzen du baina, aire bero hori ihintz-puntura iristen bada (hau da, inguruko airea ur-lurruna kondentsarazteko bezain hotza bada) hodeiak sortuko dira, eta ekaitz arriskua egongo da.
Aireak behe presioko guneetan egiten duen aldrebesezko bidea egiten du, hau da, Ipar Hemisferioan erloju-orratzen moduan, eta Hego Hemisferioan kontrakoa.
Antizikloiak goi presioko gerriko subtropikalean sortzen dira bereziki, bai ipar zein hego hemisferioan. Horren adibide Azoreetako goi presioko guneak dira. Poloetan ere, baldintza meteorologikoak antiziklonikoak izaten dira. Baina prezipitazioak askoz urriagoak dira, bertako aire masa hotza delako.
Motak
- Antizikloi termikoa, inguruko airea baino hotzagoa dagoen aire-masaren jaitsiera da. Eguraldi idor, eguzkitsu eta hotza sortzen du.
- Antizikloi dinamikoa, aire-masaren adbekzioak eraginak airearen jaitsiera da. Eguraldi idor, eguzkitsu eta beroa sortzen du.
Ikus, gainera
Kanpo loturak
Wikimedia Commonsen badira fitxategi gehiago, gai hau dutenak: Antizikloi |