Anton Bruckner

Josef Anton Bruckner (Ansfelden, Austria, 1824ko irailaren 4a - Viena, Austria, 1896ko urriaren 11a) austriar organo-jotzaile eta musikagilea izan zen.

Biografia

Musika-irakasle titulua 1861ean lortu zuen Vienan. Kontserbatorioko irakasle eta gorteko organo-jotzailea 1868tik aurrera. Wagner aurkitu arte (1863) erlijiozko musika besterik ez zuen idatzi (mezak, salmoak eta kantatak).

Bederatzi sinfoniak dira, azkena amaitu gabea, Brucknerren lan nagusiak. Schubert, Schumann eta, batez ere, Wagnerren eragina dutelarik, Beethovenen moldeari atxikiak, haren sinfoniek elementu berriak dakartzate hala ere: soinuen loturak, fugaren antzea eta kontrapuntu aberatsak, organo-jotzailearen maisutasunak sorraraziak denak.

Bere garaiko musikagilerik behinenen artean dago Bruckner.

Wikimedia Commonsen badira fitxategi gehiago, gai hau dutenak: Anton Bruckner

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.