Antonio de Cabezón
Wikipedia(e)tik
Antonio de Cabezón espainiar musikagile eta organo-jotzailea izan zen (Castrillo, Burgos, 1510 - Madril, 1566). Itsua bazen ere, musikarako dohain handiak erakutsi zituen gaztetatik. Hamasei urte zituela, Gaztelako errege-kaperako organo-jotzaile izendatu zuten, eta harrezkero, Karlos I.aren eta Filipe II.aren zerbitzuan egin zuen lan. Organorako ondu zituen lanak garai hartako garrantzitsuenak dira. Aipagarria da Diferentziak obra (bariazio instrumentalak). Haren lan nagusiak Hernando bere semeak eman zituen argitara: Obras de música para tecla, arpa y vihuela (1578, Tekla, harpa eta bihuelarako musika-lanak).
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
