Antzuola
|
Antzuola |
|||
|---|---|---|---|
 Gipuzkoa |
|||
|
|||
| Izen ofiziala | Antzuola | ||
| Estatua Erkidegoa Lurralde Historikoa Eskualdea |
Espainia Euskal Autonomia Erkidegoa Gipuzkoa Debagoiena |
||
| Alkatea | Inma Beristain (Bildu) | ||
| Herritarra | antzuolar | ||
| Koordenatuak | 43°5′20″N 2°22′52″W / 43.08889°N 2.38111°WKoordenatuak: 43°5′20″N 2°22′52″W / 43.08889°N 2.38111°W | ||
|
|
|||
| Eremua | 27,72 km2 | ||
| Garaiera | 165-909 m | ||
| Distantzia | 62 km Donostiara | ||
| Posta kodea | 20577 |
||
| Biztanleria | 2.187 bizt (2011) | ||
| Dentsitatea | 78,9 bizt/km² | ||
| Sorrera | 1629 (abenduaren 12) | ||
| http://www.antzuola.com | |||
Antzuola Gipuzkoako Debagoiena eskualdean dagoen udalerria da. 27,72 km²-ko azalera du eta 2008an 2.145 biztanle zituen.
1629an Bergaratik banandu zen berrehun urte baino gehiago elkarrekin egon ondoren. Bestela, 1984an herriko talde batek Aiherra (Nafarroa Beherea) udalerriarekin senidetze harremana finkatu zuen.
Eduki-taula |
[aldatu] Geografia
[aldatu] Inguru naturala eta klima
Izen bereko ibaia herri honetan jaiotzen da, Debaren ibaiadarra dena.
Deskarga mendateak Urretxurekin lotzen du.
Antzuola Euskal Herriko isurialde atlantikoan kokatuta dago eta kantauriko klima mesotermikoa du. Tenperatura aldetik moderatua da eta prezipitazio aldetik, berriz, oso euritsua urte guztian zehar. Urtaro lehorrik gabeko klima epel hezea edo klima atlantikoa deitzen zaio. Bertan, ozeano atlantikoak eragin nabarmena du. Honen eraginez, airea epelduta iristen da itsasertzera, eta ondorioz, tenperatura tarteak ez dira handiak. Prezipitazioa, aldiz, 1200mm eta 2000mm bitartekoa da, eta horren erantzulea, isurialde atlantikoko orografia da.
[aldatu] Udalerri mugakideak
Ipar eta mendebaldean Bergara, hegoaldean Oñati eta Legazpi, ekialdean Urretxu eta ipar-ekialdean Azkoitia mugakide ditu.
[aldatu] Demografia
| 1900 | 1910 | 1920 | 1930 | 1940 | 1950 | 1960 | 1970 | 1981 | 1991 | 2001 | 2009 |
|---|---|---|---|---|---|---|---|---|---|---|---|
| 1.480 | 1.508 | 1.546 | 1.544 | 1.528 | 1.538 | 1.695 | 2.196 | 2.283 | 2.062 | 1.899 | 2.168 |
[aldatu] Politika
[aldatu] 2011ko udal hauteskundeak
2011ko udal hauteskundeetan, 4 zerrenda aurkeztu ziren Antzuolan: Bildu, Euzko Alderdi Jeltzalea, Euskadiko Alderdi Sozialista - Euskadiko Ezkerra eta Euskadiko Alderdi Popularra. Hauek izan ziren emaitzak:
- Bildu: 752 bozka (7 zinegotzi)
- EAJ: 288 bozka (3 zinegotzi)
- PSE-EE: 141 bozka (zinegotzi 1)
- PP: 18 bozka (ordezkaritzarik ez)
Abstentzioa %27,08koa izan zen, 35 boto zuri egon ziren eta 13 baliogabe. Emaitza hauen ondorioz, gehiengo osoz hauteskundeak irabazi ostean Bilduko zerrendaburua, Inma Beristain, bihurtu zen Antzuolako alkate.
[aldatu] Kultura
[aldatu] Alardea
Mairuaren Alardea herriko festarik ezagunena da, uztailaren hirugarren astegoienean ospatutakoa, eta X. mendean musulmanen aurka Nafarroa aldean gertatutako borrokaldia oroitzen du.
[aldatu] Ondarea
Ugarte torre, Udaletxea eta Kalegoi, Ondarra eta Olaran etxeak eta Iturbe Haundi, Iriarte Azpikoa, Bidaurre eta Lapatza baserriak ondare zibilaren barruan nabarmentzekoak dira, Altzarte (Errotabarri), Akinibai (Lizarraga) eta Antiguako ur-errotekin batera.
Erlijio-ondarean, bestela, Uzarragako eliza eta Errukizko Amaren parrokia, Santa Ageda, San Martzial, San Blas, San Bartolome eta Antiguako baselizak ditu Antzuolak.
[aldatu] Euskara
Antzuola UEMAko kidea da, eta bertako hizkera mendebaleko euskararen aldaera bat da.
[aldatu] Antzuolar ezagunak
- Juan Ezenarro Mendia (1890-1945), olerkaria.
- Aritz Berraondo (1976-), pilotaria.
- Kaxiano Ibarguren (1932 - 2002), soinujolea.
[aldatu] Ikus, gainera
[aldatu] Kanpo loturak
- (Euskaraz) Antzuolako Udalaren webgunea
- (Euskaraz) Antzuolako albisteak Goiena.net-en
|
|||||||
|
|||||||
