Apollo 14

Wikipedia(e)tik
Hona jo: nabigazioa, Bilatu
Edgar Mitchell astronauta kamera kokatzen

Apollo 14, teknikoki AS-509 deitua, AEBetako Apollo programaren zortzigarren misio eskifatua izan zen, Ilargiaren azalean pausatu zen hirugarrena.

1971ko urtarrilaren 31n Ilargira jaurti zen, Saturn 5 suziri bat erabiliz. Fra Mauro izeneko aldean ilargiratu zen, 3,7ºH 17,5M koordenatuetan. Tripulazioa honakoek osatzen zuten: Alan B. Shephard, Edgar Mitchell eta Stuart A. Roosak, azken hau zerbitzu eta aginte-moduluaa (CSM, "Kitti Hawk deitua) zegoelarik.

Ilargian egin zituzten espazio ibilaldietan, Shephard eta Mitchellek ALSEP izeneko estazio zientifikoa instalatu zuten eta Ilargiko 43kg harri eta hauts bildu zituten, MET ibilgailua erabilita. Gainera, Ilargiaren barrualdeko elementuak aztertzeko, Saturn suziriaren hirugarren fasea Ilargiarekin talka egin zuen eta 13 leherkari jarri ziren, aurreko Apolo misioetan ipinitako sondek eta sismometroek datu interesgarriak hartuko zituztelakoan. Ekintza horrekin, Ilargia konposatzen duten elementuak sakonean aztertu ziren, eta lehen existitzen ez ziren konposatuak lortu.

Bitxitasun moduan, bertan utzi zuten pakete txiki bat, Biblia microfilm eran barruan zuena. Halaber, ezaguna da Alan Shephardek egin zuena: golf makila batekin pilota bat jaurti. Ildo beretik, Stuart A. Roosak, bere ekipaje pertsonalean 450 hazi eraman zituen, Ilargitik bueltatzean horien hazkundea nolakoa izango zen ikusteko. Hazi horietatik sortu ziren zuhaitzak Moon Trees izenarekin ezagunak izan dira. Misioa 1971ko otsailaren 9an amaitu zen, ontziak 34 ilargi orbita baino gehiago egin ostean.

Commonsen badira fitxategi gehiago, gai hau dutenak: Apollo 14 Aldatu lotura Wikidatan